Dear Atty. Divine,
Maayong adlaw kanimo, ako diay si Limuel nga nagpuyo sa Lapu-Lapu City, usa ako sa tigbasa sa imong mga column ug naaghat o nadasig sa pagpangutana nimo kabahin kini sa yuta sa among ginikanan. Kini nahimutang sa baryo sa usa sa mga lungsod sa amihanan, kining yutaa dunay sukod nga almost 17,000 sq meter ug duna na pud kini titulo ug sa among pagduaw didto, usa sa mga nagpuyo sa kasikbit sa among yuta nagsulti kanamo nga dunay mga tawo nga nag-survey sa yuta didto nga nagdala ug detector test, apan sa among yuta lang duna silay na detect nga deposit sa gas. Mao nga nalipay kami sa pagkadungog niini, apan wala sila mapangutana kon asa sila nga ahensiya. Mao nga gusto lang namo e confirm kun unsa nga klase nga gas kini or unsa pud kini ka tinuod. Mao nga nidangop mi nimo manghinaot nga mahatagan sa imong idea kun asa kami or unsa nga agensya ang among duolon aron mahatagan ug katin-awan ug unsay among pagabuhaton. Daghan kaayong salamat kanimo. —Limuel
Dear Limuel,
Kun tinuod man ugaling na nga adunay nag-survey sa inyong yuta og naa silay nakita nga gas deposit, segurado ko nga mobalik sila og mangita sa tag-iya sa maong yuta. Kay wa pa man ninyo ma-confirm kun unsa nga ahensya ang naghimo sa maong survey mas maayo nga inyong huwaton nga moduol kaninyo ang mga tawo nga nagpahigayon sa survey kay possible man sab nga private company ang naghimo niini. Di ko segurado kun involved ba ang ahensya sa gobiyerno sa maong pagpa-survey kay usually mopahibawo man gyud na sila sa mga tag-iya kun duna silay buhaton sa property but pwede ninyo suwayan sa pagpangutana ang Energy Regulatory Commission or ERC sa Central Visayas kun duna ba silay kasayuran may labot niini. Thanks and God Bless. —Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug ako kining tubagon pinaagi sa akong column matag Miyerkules, Sabado ug Domingo.