^

Home care services for the elderly

SENIOR CITIZEN - Antolin dela Serna (Banat) - February 26, 2021 - 12:00am

Atong kutloon pag-usab dinhi kining provision sa RA 9994 kon Expanded Senior Citizens Act of 2010 nga nag-ingon:  “The national government shall include in its national shelter program the special housing needs of senior citizens such as establishment of housing units for the elderly.”

Klaro kaayo, bisan ang graduate sa elementarya makasabot niini. Apan, medyo wa makasabot niini ang hingtungdang buhatan, hinungdan nga wa gyud ni mapatuman nationwide.

Ato kining gihisgutan pag-usab dinhi tungod kay ang local nga pangagamhanan sa dakbayan sa Iloilo mipasar or ordinansa giulohan og Iloilo City Home Care Support Services Ordinance.

Samtang  ang ordinansa wala maghisgot of housing units for the elderly, apan, at least, ilang gitagad ug gihatagan og priority ang pagtubag sa mga panginahanglan sa katigulanan labi na sa nagmasakiton, ingonman mga PWDs.

Matud ni Konsehal Candice Tupas, ang nangamahan sa ordinansa, nga daghan kaayong katigulangan nga walay ka-banay nga muatiman kanila, ug bisan kadtong aduna pay familya, “it is taxing for the family also to take care of bed-ridden patients.”

Giingon dinhi, atong kutluon: “Section 6 of the ordinance mandates barangays to establish a home care to be headed by the barangay captain together with the barangay council and the Federation of Senior Citizens Association of the Philippines, persons with disability affairs office and barangay health workers.”

So, ang mga barangay maoy gisangonan pagpatuban sa ordinansa. Usa ka dakung tahas alang sa mga barangay didto sa Iloilo.

Sa atong pagsulat niini, wala kita masayud kon  napatuman ba kini o wala. 

Ang punto nato dinhi, napatuman o wala, mahimo kining kopyahon sa ubang mga local government units, sa atong dakbayan pananglitan. Dili man tingali kini lisud tumanon.

Samtang ang nasudnong pangagamhanan dili maka-provide og mga housing units, sumala sa provision atong gituklo sa unahan, at least, maatiman sa mga barangay ang mga masakiton nga katigulangan ug mga PWDs sa ilang dapit. 

Ang mga health workers nga ma-involved pagpatuman sa ordinansa bansayon sa City Social Welfare and Development Office.

Ubos sa ordinansa, gipaabot nga ang mga barangay magtiner og data bank sa mga indigent senior citizens ug PWDs aron sayon ang pag-monitor.

Himoon sa mga health workers ang regular nga pagduaw sa mga masakiton, to check on their hygiene, blood pressure and other vital signs.

Ug ang Special Task Force sa Buhatan sa mayor maoy motan-aw sa pagpatuman sa  ordinansa.

So, mahimo man tingali ni nato dinhi sa atong mga barangay. 

SENIOR CITIZEN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with