^

Ginhawa probinsiya

LABTIK - Alan Domingo (Banat) - February 24, 2021 - 12:00am

Mo usa na ka tuig naghamok ang kahadlok ug kabalaka sa katawhan mugna sa COVID-19 pandemic diin sa sinugdanan daw dili mahiluna ang mga tawo nga bation gyud ang kalisang sa virus.

Apan ang nakapasamot sa kahadlok dili naman ang virus lamang kondili ang kagutom, ilabi na kadtong nangawad-an og trabaho kay nanira ang mga establismento.

Gipun-an pa nga gipatuman ang lockdown nga nahimong ghost town ang mga dapit tungod kay anaa ra man sa sulod sa mga pinuy-anan ang mga tawo nagpaabot sa ayuda gikan sa gobiyerno.

Gani niabot sa punto nga murag nagrebelde na ang mga tawo sa virus kay tungod sa kalisod gusto nalang kilawon ang COVID-19 kong makita pa lang tungod kay nakataya ang kinabuhi sa ilang pamilya sa trabaho nga nawagtang.

Sa usa ka tuig dili kita halos makaginhawa gumikan sa kalisdanan, walay pili ang mga kabus ug ang mga adunahan.

Arang-arang ang mga adunahan kay duna man silay makuot nga ikapalit sa ilang panginahanglan, apan ang mga kabus mag nganga nga gahanggab sa hangin.

Busa gikinahanglan na ang maningkamot na kita aron makaginhawa sama sa gipakita karon ni Governor Gwen Garcia nga gipaluagan na ang restriction sa lalawigan sa Sugbo.

Kini tungod sa tinguha nga makapanginabuhi na ang mga tawo pinaagi sa pagbanhaw sa turismo sa lalawigan nga maoy yawe sa paglihok sa atong ekonomiya.

Seryoso ang gubernador sa iyang gustong mahitabo. Busa mipagawas siya og executive order nga dili na require ang swab test sa domestic travel o sa mga tawong gustong mosod-ong sa katahom sa lalawigan.

Pagdani kini sa local tourism nga sayon nalang alang sa mga turista basta mosunod lang sa mga basic protocols sama sa pakuha og valid medical certificate gikan sa usa reputable doctor, naka booked nang daan sa hotel ug resort nga nahimutang sa lalawigan ug accredited sa Provincial Task Force.

Kini nga pamaagi mao ang paghatag og hangin sa mga tawo nga makahaw-as sa kalisod ug makaginhawa na sa kahagip-ot nga gibati, anaa naman gyud ang COVID-19 dili dalidali nga mawagtang busa magkat-on nalang ang mga tawo sa pagpuyo nga anaa kini basta motuman lang gihapon sa basic health protocols.

Ang pagginhawa sa lalawigan sa Sugbo maghatod sa pagbangon sa mga tawo nga magsugod og bag-ong kinabuhi ubos sa giingon nilang new normal.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with