Dear Atty. Divine,
Usa ko ka OFW og nagplano ko nga magminyo next year with my boyfriend.
Naa koy napalit nga mga properties karon nga single pa ko.
Kon magminyo ko maapil ba sa conjugal or common property ang akong kabtangan nga napalit sa akong pagka dalaga? Daghang salamat.
Myra
* * *
Dear Myra,
Makonsiderar nga common property sa magtiayon ang any property nga ilang gidala sa kaminyoon basi sa Family Code.
Buot ipasabot nga ang property nga imong napalit samtang ikaw dalaga pa makonsiderar na nga gipanag-iya ninyong magtiayon kon ikaw maminyo na basi sa atong Family Code kay Absolute Community man ang mo govern nga property relations.
Apan duna kini exception, kon mo-execute mong duha og marriage settlement o pre-nuptial agreement nga diin Separation of Property ang gusto ninyong property relations nga ipatuman.
Busa kon duna moy pre-nuptial agreement any properties ninyo magpabiling exclusive nga gipanag-iya sa usa’g usa. Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado og Domingo.