Dear Atty. Divine,
Ang akong bana dunay illegitimate son ug ang bata karon 10-anyos na. Ang apelyido nga gigamit sa bata mao ang apelyido sa inahan. Unknown sab ang gibutang sa entry sa birth certificate sa bata labot sa iyang father. Gusto unta sa akong bana nga mausab ang apelyido sa bata ngadto na sa iyang apelyido og mabutang sab siya isip amahan sa birth certificate aron maapil niya kini isip usa sa iyang mga beneficiary sa iyang mga insurance. Unsay angayang buhaton sa akong bana? Daghang salamat. —Nilda
Dear Nilda,
Ang angayang buhaton sa imong bana mao ang pag-execute og Affidavit of Acknowledgment with Consent to Use his Surname ug iya kining ipa-notarize. Human niini, iyang isubmit ang maong dokumento sa Local Civil Registrar diin marehistro ang bata og iyang ipa-annotate sa birth certificate sa bata. Once ma-annotated na kini sa birth certificate, mamahimo na ang anak sa imong bana nga mogamit sa iyang apelyido og ang imong bana mao na sab ang narehistro nga amahan sa bata tungod sa Affidavit of Acknowledgment nga iyang gipa annotate sa birth ceerificate. Thanks and God bless. —Atty. Divine
* * *
Alang sa inyong pangutana, palihug lang sa lag email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado og Domingo.