^

Dunay manglawgaw

RENBOR PATROL - Rene U. Borromeo (Banat) - December 8, 2020 - 12:00am

Alang niadtong mga senior citizens nga nagsige’g pangutana kon kanus-a ipanghatag sa Cebu City government ang nahibilin nila nga P4,000 nga cash assistance, gipaningkamotan ni Mayor Edgar Labella nga mahatag kini kaninto sa dili pa ang Pasko.

Daghan man gud kaayong senior citizens nga magsige’g pangutana, nga mora’g nahadlok nga dili sila hatagan sa maong cash assistance.

Apil niining mao nga mga senior citizens, kadtong dugay kaayo nga mibag-o sa ilang records.

Sa kadugay nila nga mibag-o sa ilang records nga mahimo ra man unta nga ipaagi sa “online” ang pagbutang nila sa updated nga picture, maoy hinungdan nga 20,000 ra ka cash cards ang nahuman sa pag-imprinta sa Land Bank.

Alang sa mga senior citizens, maghuwat lang gyud unta nga ipanghatag ang inyong mga cash assistance kay ihatag man gyud na sa City Hall.

Ang nakadaut gud sa ubang senior kay maminaw man sa mga tawo nga gusto ra’ng magmugna’g kaguliyang.

Nakabasa ko diha sa Facebook nga dunay moingon nga wa na kuno’y kwarta ang City Hall nga ipanghatag sa mga senior kay nahurot sa paggasto sa pagtabang sa mga nabiktima sa COVID-19.

Ang uban sab miingon nga gituyo kuno nga gidugay-dugay kay gipatantohan pa, ug ang interest, ibulsa kuno sa mga opisyal sa City Hall. Porbida gyud, unya pagsusi nako kon kinsa ang maong mga tawo, dumadapig diay sa kaatbang sa mayor.

Usbon nako, sa dili pa moabot ang Pasko, ipanghatag na kaninyong mga senior citizens ang tag P4,000.

* * *

Kay madayon man gyud ang Misa de Gallo sugod karong Disyembre 16, ang curfew pamub-an ni Mayor Edgar Labella gikan sa alas 11 sa gabii ug kutob ra sa alas tres sa kaadlawon.

Ang tuyo ni Mayor Labella nga kadtong mosimba sa Misa de Gallo makagawas na sa ilang balay inigka alas tres sa kadlawon paingon sa simbahan.

Pero kamong mga nagtinguha nga mosimba sa Misa de Gallo, angay ninyo nga mahibaw-an nga basin anha ra mo kutob sa karsada ug dili makasulod, ilabi na kon anha kamo mosimba sa Basilica Minore del Santo Niño.

Limitado gihapon ang mga tawo nga pasudlon sa simbahan mao nga dili gyud maarang ang tanan.

Para nako, mahimo ra nga anha ra ko motan-aw sa mga live streaming sa mga Misa de Gallo kay makita ra man sa on-line, apan mao lagi, maayo lang sa dunay unlimited internet connection.

Hala, planoha ang inyong mga kalihokan atol karong paskoha nga nag-atubang pa kita og problema kabahin sa coronavirus.

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with