Medics sa NPA napatay

RENBOR PATROL - Rene U. Borromeo (Banat) - December 1, 2020 - 12:00am

Nisulod na gyud ta sa buwan sa Pasko! Unta, hingpit na nga mawagtang ang coronavirus dinhi sa nasud aron nga magmalipayon ang atong Pasko.

Gawas nga magmatngon ta ug motuman sa lagda nga gimando sa Department of Health (DOH), dili nato kalimtan ang pag-ampo aron nga malikay ta sa virus.

* * *

Nakurat ko pagkabasa sa balita nga ang anak-babaye ni Makabayan Partylist Bloc Congressman Eufemia Cullamat napatay sa militar atol sa 45 minutos nga gubat batok sa mga NPA didto sa bukid sa Surigao del Sur.

Ang militar nagkanayon nga ang 22-anyos nga si Jevilyn Campos Cullamat, nagsilbi kuno nga medics sa mga NPA, ug ang ilang grupo gikapinusilay sa mga sakop sa Army’s 3rd Special Forces “Arrowhead” Battalion didto sa Barangay San Isidro, Marihatag, Surigao del Sur.

Kada buwan sa Marso, nga ang NPA magsaulog sa pagkamugna sa ilang grupo, anha sila diha sa kabukiran sa Surigao del Sur magpahigayon og “plenum” kun dakong panagtigum sa ilang mga lider.

Gani nakaingon ko kon nganong dili man maronda sa mga militar ug kapolisan kon maghimo sila sa maong mga kalihukan? Nganong manggawas na man lang ang hulagway inighuman na sa ilang kalihukan kada Marso 28?

Ang balita sa Philippine Star mikutlo sa inahan ni Jevilyn nga miingon dili na siya mahibulong kon nisulod man ang iyang anak sa NPA kay silang mga sakop sa tribu nga Manobo kanunay kunong giabusohan sa militar.

Ang report nagkanayon nga mga lima ka tag-as nga kalibre sa armas ang nasakmit nila gikan sa mga rebelde, naglakip sa tulo ka AK-47 nga gigamit lang sa laing kanasuran.

Kon tinuod man nga ang anak ni Kongresista Cullamat usa ka rebelde, dili na kita angay’ng malooy kay bisan ang iyang inahan, miingon man nga ang iyang anak, hingkod na’g kabuot ug nasayod kini sa iyang gihimo.

* * *

Daghan sa mga nanag-iya og mga tradisyonal nga PUJ wa gyud moayo sa mga gubaon na nilang mga sakyanan, unya magsuko-suko kon dili sila padaganon?

Dunay mga PUJ nga bisan ang pagsakay, mauwaw ta kay bisan pintal na lang wa gyud makapabag-o ang tag-iya, samot na ang lawas sa sakyanan nga daghan na nga dunot.

Ang ubang PUJ wa gani “hand brake” nga apil gyud sa gilatid sa balaod nga ang usa ka sakyanan kinahanglang kompleto sa kahimanan, ug apil na niini ang hand brake.

Ang tumong niini nga kon mopalyar ang foot brake, makaabag ang hand brake nga mapugngan ang pagdagan sa sakyanan ug dili makamugna og grabeng kadaot. Unsa masuko mo og dili mo padaganon pagbalik?

NPA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with