Leni walay respeto

JAV, BANATI! - Javier Tapulado (Banat) - November 27, 2020 - 12:00am

Wala gyud mausab ang bulok ni Vice President Leni Robredo.

Bisag gipulihan na si PNoy Aquino ni Presidente Rodrigo Duterte sa puwesto, ang iyang kinaiya yellow gihapon. Bisag asul ug pula na ang kolor sa karon nga namunoan, dili gyud mosimpatiya. Mokontra gayud. Manaut pa!

Sa nagsunodsunod nga bagyong Rolly ug Ulysses, halos kinatibuk-ang Luzon gilampornas sa makusog bul-og sa tubig nga milunop-baha nga ang giladmon miabot sa atop sa mga balay ug aduna gyuy pipila nga natabonan sa lapok.

Daghang kinabuhi ang nakalas. Milyon kapin ka pamilya ang nawad-ag kapuy-an. Kagutom ug kaguol maoy mihari sa naapektohan. Nanaghilak! Nagpaninggit og tabang sa atong kagamhanan.

Paglurang ni Ulyses, mipakatap dayo’g video ug mga larawan si Robredo sa social media. Nagpakita nga iya dayong girespondehan ang maong panawagan pinaagi sa pagmando sa AFP sa angay’ng buhaton.  May mga footage pa nga si Leni mismo maoy mitunol og relief goods sa mga biktima.

Wala mahimuot ang opisyal sa Armed Forces of the Philipinnes (AFP) ning eksenang gipagawas ni Robredo. Mipahibalo sila sa publiko nga wala silay order nadawat gikan sa bide president. Si Pres. Rodrigo Duterte maoy ilang commander-in-chief. Busa ang pangulo ray makamando kanila.

Nabuko si Leni sa iyang pagpanglingla sa katawhan. Gibuksan ni Duterte ang tinuod nga gustong takoban ni Leni og bakak.

Matud sa pangulo, nga duha pa lang ka adlaw sa wala pa motugpa si Ulysses, gimontar na niya ang mga puwersa sa military sa tanang dapit sa Luzon nga gitumbok maoy ig-on sa naasoyng super typhoon.

Buwahan, inig atake sa bagyo, andam na daan iyang kasundalohan, LGUs ug uban pang gitahasang ahensiya nga moatubang-makigkombate sa maong gumonhap.

Tinuoray, wala makita si Duterte nga nanunol og mga relief goods sa mga biktima.

Apan kadtong mga sundalo ug ahensiya sa gobiyerno nga mihatod gilayon og mga hinabang, mga kamot kadto niya.

Kining gibuhat ni Leni, nagpaila lang nga wala gyod siyay respeto sa presidente ug natong katawhan, kinsa mibotar-padaog ni Duterte.

Gani, 92% kapin man ang naangkong popularity rating ni Duterte. Sa ato pa, kontento ang katawhan ug wala masayop sa ilang pagpili kaniya.

Apan ingon sa dili gyod makadawat si Leni niini. Ngano kaha?

LENI ROBREDO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with