Investment

Nobiyembre 15, 2020: Ikakatloag-tulo nga Domingo sulod sa tuig

Mga Pagbasa: Pan. 31;10-13,1920,30-31/Sal. 128/1 Tes. 5;1-6/Mt. 25;14-30

Niadtong maayo pa ang dagan sa panudlanan akong gitan-aw ang dakong posibilidad sa pag-secure sa akong kaugmaon pinaagi sa mga insurances. Apan sa dihang niabot ang dangan nga COVID-19, nausab gyud ang tanan. Ning panahon sa kanihit dili maayong magpataka lang og gasto apan wala lang pud kini magpasabot nga dili lang gyud kita mohimo og risgo aron sa ingon makuha nato ang ginansiya nga atong gipaabot. Ang tanan dunay risgo bisan pa nato og unsaon.

Dinhi sa ebanghelyo karong Dominggoha Nakita nato nga gidayeg pag-ayo sa agalon ang duruha sa iyang mga sinaligan nga nakahatag kaniya og ginansiya. Sa unsang paagi nila kini nahimo wala ta masayud ug kun unsang matanga sa patigayon ang ilang gihimo kay lagi ang mahinungdanon mao nga makuha nila ang gikahinamang ginansiya. Gigamit nila ang ilang pangisip ug praktikalidad apan ambot lang kaha kun gigamit pud nila ang ilang kasingkasing? Sa laing bahin, ang ikatulong sinaligan wala mohimo og pag risgo hinunoa iyang gihimo ang pagtago lamang sa gipiyal kaniya nga kantidad. Tungod niini, wala malipay ang iyang agalon nga niresulta sa pagkuha kaniya sat nan nga iyang nahuptan daw sa gihuboan siya niini gumikan sa maong kahadlok.

Ang atong kinabuhi puno sa risgo. Bisan asa ug diin ug bisan kanus-a nahimong kabahin na gyud sa atong kinabuhi ang risgo. Kun nagkinahanglan kita og ginansiya sa atong pagahimoon mahinungdanon kaayo ang paghimo usab sa atong katungdanan diha sa kalambuan ug kalampusan sa atong gimithi. Duna kitay buhian aron duna kitay katungod sa paghupot sa giisip natong mahinungdanon sa atong kinabuhi ug makahatag kanato sa giisip natong ginansiya na alang kanato. Ang Dios inig abot sa panahon mangayo pud og husay kun giunsa nato paggamit ang atong kinabuhi. Usahay tungod sa atong playing safe mentality malisod alang kanato ang pag-reach out sa uban. Ang ginansiya nga akong gihisgutan dinhi dili lang mahitungod sa bahanding kalibutanon kondili sa bahanding espirituhanon usab. Alang kanako kun mas daghan ang atong nakabig nga mga kalag balik ngadto sa Dios. Kini mao ang mas mahinungdanon.