^

Tinuoray’ng VP: Leni og Bongbong

JAV BANATI - Javier Y. Tapulado (Banat) - November 13, 2020 - 12:00am

Mimugnag lanog nga kasikas ang protestang dugay nang gipayil ni kanhi Senador Ferdinand ‘Bongbong’ Marcos Jr. bahin sa resulta sa 2016 National Election nga matud niya, adunay dakong tikas nga nahitabo.

Diin, imbes siya unta ang modaog pagka Bise-Presidente sa Pilipinas, si Leni Robredo na hinuon, ang ikaduhang kinatas-ang lider nga wala makakita sa mga maayong tinguha ni Presidente Rodrigo R. Duterte alang sa pagpalambo sa atong nasud

Kay inay mosuporta isip luyo-luyo sa pangulo, nagsige hinuog kontra-saway sa daghan na kaayong proyektong nahuman bisan sa upat ka tuig pa lamang nga pagpangalagad sa na-presidenting bisaya.

Kahinumdoman, nga kadtong super typhoon Yolanda, diin si Leni apil sa mga piniling suod-sinaligan ni PNoy Aquino, napuno sa makauulawng kontrobersiya ug mga isyu sa mga nawalang hinabang pinansiyal ug relief goods nga nangapan-os.

Samtang sa super typhoon Rolly nga mihasi sa Bicol Region ning panahon ni Duterte, naduaw gilayon sa pangulo ug napangitaag paagi, kutob sa unsay mahimong tabang nga matunol sa gobiyerno ngadto sa tanang nabiktimang nanginahanglan.

Tinuoray, si Leni miadto pod tunol og mga hinabang. Pero, ambot, nganong mipalain? Unya, gusto pang ipagawas sa mga pekeng tigbalita, nga si Duterte walay nahimo. Nagluklok lang kuno didto sa Davao, pagpanghasi ni Rolly.

Maayo na lang, nga adunay social media nga neutral, walay gidapigan, kinsa motug-an sa tinuod. Busa, ang maong pagpanaut wala makadulot. Makalibog!  Hilig si Leni nga mopalayo ni Duterte. Nga unta, ang tinuorayng lider, mohiusa man sa katawhan ug nungkang tun-an nga mabahinbahin.

Kini bayang pagka bise-presidente ni Leni kuwestiyonable. Gikuwestiyon dili lang sa mga diehard supporters ni Marcos.

Gipaylan gyod mismog electoral protest ni Bongbong, diin ang Supreme Court maoy molingkod isip Presidential Electoral Tribunal (PET).

Adunay mga lig-ong ebedinsiyang ipakita si Bongbong pagmatuod nga may nahitabong panikas sa tulo ka probinsiya sa Mindanao: Lanao del Sur, Basilan ug Maguindanao.

Kon mahukman nga iinbalido-kanselar sa PET ang resulta sa electoral poll sa mga nahisgotang giprotestahang dapit, makuhaan ang kanhi gidekarar nga botos ni Leni ug maapsan sa kang Bongbong.

Dinhi mamatud-an, kinsa diay ang tinuorayng midaog pagka Bise-Presidente sa Pilipinas?

Daghang miingon, nga Duterte-Robredo di magkahiusa. Perog Duterte-Marcos, puwede pa! Mao ba?

LENI ROBREDO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with