Davao nay epicenter sa COVID-19
ARANGKADA - Leo Lastimosa (Banat) - October 25, 2020 - 12:00am

Atong paabuton unsa ang himuon ni Presidente Rodrigo Duterte nga ang iyang pinuy-anan nga Dakbayan sa Davao mao na man ang kinadaghanan og bag-ong kaso sa COVID-19 niadtong Biyernes, suma sa opisyal nga taho sa Department of Health (DOH).

Pasanginlan ba sab niya ang taga Davao nga mga gahi og ulo nga wa mopatuo sa mga lagda sa paglikay sa tinakdanay?

Ipada ba sab ang iyang kinaham nga retiradong mga heneral aron maoy mobanos sa iyang mga anak ug ubang lokal nga mga opisyal sa pagduma sa kampanya batok sa COVID-19?

* * *

Sa nangagi pang mga semana nga nipasidaan ang mga eksperto sa University of the Philippines ug University of Sto. Tomas sa makapaalarmang pagsulbong sa mga kaso di lang sa Davao kon dili sa dakong bahin sa Mindanao.

Wa mahisguti ang kataas sa mga kaso sa Davao sa inadlawng mga taho sa DOH nga igo rang nilista sa mga rehiyon nga kinadaghanan og kaso nga kasagarang gipangulohan sa Metro Manila.

Bugtong timaan nga giangkon sa DOH sa pagsulbong sa mga kaso sa Mindanao maong pagkaapil sa Northern Mindanao sa top 3.

* * *

Laing timaan nga angayng kabalak-an ang tinakdanay sa Mindanao mao ang sibaw nga pakitabang sa mga doktor sa Surigao sa ilang kaubanan dinhi sa Sugbo.

Kay niawas na ang ilang mga tambalanan ug busa nagnihit na sab ang mga doktor ug nurses.

Gikataho gani nga nagkasungi nang pipila ka lokal nga opisyal sa Mindanao kay nag-ilog sa nihit nga mga laboratoryo, maong langay ang resulta sa swab tests taliwa sa pagsulbong sa mga kaso.

* * *

Di unta ni mahitabo sa Mindanao kon naminaw pa ang Malakanyang sa pasidaan sa mga eksperto: Nagkuwang ang COVID-19 testing ug busa lisod ang pagsusi unsa na kalapad ug kapaspas ang tinakdanay; busa ang kinakusgan nga panagang mao ang pagpalambo sa kapasidad sa mga laboratoryo o pagdalidali pagtukod og bag-o.

Gibadlong sa Malakanyang ang mga eksperto nga di ipahibawo ang ilang mga rekomendasyon aron di maapektahan sa public opinion ang mga desisyon sa presidente.

Mao ni ang sangpotanan: Tungod sa pagdumili sa presidente sa pagpaminaw sa sukwahi nga kasayuran, nanuktok na ang kagaw sa iyang kaugalingong nataran.

* * *

leolastimosaa@gmail.com

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with