Dear Atty. Divine,
Ang akong amiga nangutang nako og P150,000.00. Misaad siya nga iyang bayran sud sa unom ka buwan.
Last month mi due na iyang utang ug wa gyud siya mobayad.
Unsay akong buhaton aron mapugos siya sa pagbayad sa iyang utang. Daghang salamat.
Lyn
* * *
Dear Lyn,
Ang una nimong buhaton, imong padad-an og Demand letter ang imong amiga.
Kun di gihapon siya mobayad, pwede ka mopasaka og reklamo batok niya sa barangay diin siya nagpuyo aron siya ipatawag ug magka atubang mo sa barangay.
Kun di gihapon siya mobayad, pwede ka mopasaka og kaso sa Municipal Trial Court diin ka nagpuyo, for collection of sum of money.
Tungod kay small claims man ang imong kaso, paspas ang proseso niini ug di na sab ka magkinahanglan pa og abogado.
Dunay forms sa small claims ang korte ug pwede ra ka mangayo og kopya niini og maoy imong fill-upan ug dayon imong i-file sa court. Thanks and God bless.
Atty. Divine
* * *
Alang sa inyong pangutana palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.