Linghod nga panuigon

Dunay batan-on buot mosulod na sa kaminyoon kay ang iyang rason mao nga sila nagkahigugmaay pag-ayo sa lalaki nga buot niyang unongan sa tibuok niyang kinabuhi. Hinuon siya, bag-o pa lang nakahuman sa iyang senior high ug ang lalaki usab mao pa lay pagka end sa gitrabahoan niini.

Hinuon, dili managlagyo ang ilang pangedaron. Ako siyang gipangutana kun ugaling sila magkalisod sa ilang pagpuyo labina kun maghisgot na kita og financial nga mga butang asa man siya moadto? O mag-unsa naman lang sila? Igo ra siyang nipahiyom dungan ang pag-ingon nga naa ra ang ilang mga ginikanan nga andam mosapupo sa ilang mga panginahanglan!

Lahi ra gyud ning nagtuo nga ang kaminyoon mismo daw sama sa usa ka fairytale nga dunay they live happily ever after. kini tungod kay ang kinabuhi nga sama niini dili baya gyud kaduwaduwaan. Anaa ang kinabuhi nga dili ma-exempted sa mga pag-antos ug  mga pag sakripisyo. Kay sa mosugot ka o sa dili anaa gyud sa kalibotan ang pagsakripisyo. Tingali bunga lamang sa ka boryong ang tanan.

Sa akong pagpamalandong niing mga hitaboa nakita nako nga daghanan karon ang nihimo sa desisyon nga pinasikad lamang sa emosyon.

Emosyon nga kun buot hunahunaon usahay haguka ug huyang og pundasyon. kun huyang ang sukaranan unsaon man nato pag expect og lig-on nga katilingban.

Hinuon dili edad ang basehan sa kahamtong nga mahuptan ni bisan kinsang tawo apan ang linghod nga pangedaron nagkahulogan man og kakuwangan sa kasinatian.

 Mas nindot gyud kun ugaling mamahimong mas mohamtong pud ang pangedaron aron sa ingon mamahimong andam na gyud ug tagana nga sa tinuod nga kinabuhi ang usa ka tawo makigharong.