Cayetano mapulihan kaha?
JAV BANATI - Javier Yntig Tapulado (Banat) - October 5, 2020 - 12:00am

Sa Kongreso, ubos sa pangamahan ni House Speaker Alan Cayetano, minindot ang dagan sa ilang serbisyo ngadto sa katawhan taliwala ning nagpadayong gubat nga giatubang sa atong gobiyerno – ang kabangis sa COVID-19 ug ang nagdilaab nga kainggit sa mga anino, kinsa gusto na kaayong mopuli pagdala sa renda sa Malakanyang. Pero, wala kadulot!

Ang higanteng network nga gituohang dili matarog, napukan! Ang tagotago nga binilyong kinawatay sulod sa PhilHealth, diin hagbay ra diay’ng gihimo, nasakpan, nautingkay ug nabuksan. Pipila lamang kini sa daghang ‘mission accomplished’ nga nakab-ot sa Kongreso ubos sa pagpanimon ni Cayetano.

Panahon sa ilang mga pagpakigbisog, namatikdan sa tanan, nga nagpadaplin-pakahilom lamang si Marinduque Representative Lord Allan Velasco, ang kapikas ni Cayetano sa ilang term-sharing deal, inay mopakitag labok, pagmatuod nga angayan siya sa maong kinatas-ang puwesto sa Kongreso.

Very inactive si Velasco sa mga maayong tumong. Ug diha lang nahimong aktibo paggawas sa P4.506 trillon nga National Budget alang sa Tuig 2021, diin may dakong ‘say’ ang House Speaker sa pag-apod-apod niini ngadto sa mga ahensiyang hingtungdan.

Mayoridad sa Kongreso wala makaayon sa nahuptang taras ni Velasco. Busa, dihang miresayin si Cayetano, effective October 1, miulan ang 184-1 nga botos sa mga kongresista aron ibasura ang maong resignation. Sanglit, na-in love na sila sa dinad-an ni Cayetano. Ug gusto nilang ipabilin sa puwesto.

Oktubre 14 ra kutob? Mao kini ang gipagawas ni Velasco, kinsa bisag giingnan nang Duterte nga si Cayetano nay mopahibalo sa Kongreso unsay gipanag-istoryahan nilang tulo didto sa Malakanyang, giunahan hinuog pakatap ang social media og pekeng balita. Segun sa ulahing pamahayag ni Cayetano, wala mosultig Oktubre 14 si Duterte.

Matud pa ni Presidential Spokesman Harry Roque nga girespeto sa pangulo ang bisan unsay desisyon nga makab-ot sa mga kongresista. Hands off!

Pastilan, delikadog maguba ang term-sharing deal nilang Cayetano ug Velasco? 

Nagsige ra ba’g pasiatab si Velasco nga giingnan kuno si Cayetano ni Duterte nga irespeto ang ‘palabra de honor.’

Pero nadungog ba sab kaha ni Velasco ang gipahayag ni Tatay Digong, nga girespeto pod niini ang unsay masabotang pinaling hukom sa Kongreso?

Pagkakulba-hinam! Kinsa kaha nila ang modaug? Pag-abot sa Oktubre 15 puhon, atong mahibaw-an.  

ALAN PETER CAYETANO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with