Way pili-pili
RENBOR PATROL - Rene U. Borromeo (Banat) - September 29, 2020 - 12:00am

Saludo ko sa mga traffic enforcers nga mi-clamped gyud sa mga sakyanan nga gipanag-iya sa Cebu City Hall kay ang mga driver niini mi-parking “overnight” diha sa public place.

Ang maong mga sakyanan sa City Hall giisyu ngadto sa City Disaster Risk-Reduction Management Office ug giparada kini ilawom sa flyover sa Mambaling.

Bisan si Mayor Edgar Labella midayeg sa gihimo sa mga traffic enforcers nga gidestino sa clamping team kay ilang gipakita nga walay pili-pili ang pagpatuman nila sa balaud. Magsilbi kadto nga leksyon sa ubang mga driver sa mga sakyanan sa kagamhanan, ug sa mga opisyal ug kawani sa gobiyerno, nga dili mo pasayloon sa mga traffic enforcer kon makita nga nakahimo mo’g salaod.

Kon wa pa iapil pag-clamp ang maong mga sakyanan, kadtong mga tag-iya sa sakyanan nga gi-clamp sa mga traffic enforcers moreklamo gyud ug mosaway nga dili patas ang pagpatuman sa balaud.

Usbon nako, saludo ko ninyo mga kawani sa Cebu City Transportation Office (CCTO) nga nadestino sa clamping team ug padayona ang inyong maayong serbisyo.

* * *

Ang tinuod, dunay ubang tag-iya og sakyanan nga abi kay anaa sila magtrabaho sa gobiyerno, magtoo nga dili sila apil sa pagpatuman sa balaod.

Sa GMA Road dapit sa Barangay Busay, ang amigo nako nga broadcaster, mihangyo gyud sa CCTO nga himoan og operation ang mga sakyanan nga anaa ra daplin sa karsada ipang-parking.

Tungod niini, gihimoan dayon og operation sa mga sakop sa clamping team ug daghan ang na-clamp. Apan may traffic enforcer nga mitug-an nako, nga may sakyanan nga anha sagad iparking sa GMA Road dapit sa Busay nga ang tag-iya gahi kaayo pasabton.

Giingnan kuno silang mga traffic enforcers nga pwede ra nga maka-park siya sa iyang itom nga awto daplin sa karsada nga apil sa gireklamo sa akong amigo nga TV personality.

Para nako, kon wa man itugot ang parking sa usa ka dapit, bisan kinsa pa nga tag-iya og sakyanan, bisan og opisyal pa siya sa siyudad, dili gyud siya mahimong katugotan.

* * *

Sama ra gud niadtong gihimo sa usa ka tindera og mga prutas nga gisakmit unta ang iyang push cart kay bisan og gidili ang pagpaninda didto sa aseras sa Natalio Bacalso Avenue, moinsister gyud pagpaninda.

Kon dili motuman si Mayor Labella sa kamandoan gikan sa DILG nga did-an na ang pagpaninda sa aseras diha, ang mayor tawon maoy makasohan?

Kon wa man gani maninda ang ubang tindera, kadtong maong babaye tugotan ba lang gyud nga makapaninda abi kay usa siya ka opisyal sa ilang kahugpongan?

CEBU CITY HALL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with