I-apunti lang una
BALITAHOM - Atty. Jose Marie N. Poblete (Banat) - September 20, 2020 - 12:00am

Mipagawas og kamandoan ang Bangko Sentral ng Pilipinas (BSP) sa tanang mga bangko ug mga “financial institutions” sa paghatag og 60 ka adlaw nga lugway sa pagpamayad sa mga utang agi ug pagtuman sa lagda sa Bayanihan To Heal as One Act.

 Makaginhawa na unya ang nangutang ug makabatyag pud og kahimayaan ang nagpautang kon ipatuman na ang kamanduan.  Kay ginaingon man sa panultihon, “Ang pagpangutang, TAWHANON, apan ang paglugway sa pagbayad, BALAANON”.  Na hala, i-apunti lang una!

Kuyaw kon mahanaw

Mipasalig si Sec. Roque ngadto sa tanang miyembro sa PhilHealth nga ang ilang mga kontribusyon ngadto sa ahensya maprotektahan gihapon bisan sa kahigayonan nga bag-ohon ang maong ahensya.  Adunay laraw ang kagamhanan nga bungkagon o himoong pribado ang PhilHealth tungod sa naghingapin nga korapsyon.  Nangutana ang katawhan, “Kon mawala ang bugasan, dili ba diay maapil pagkahanaw ang sulod niini nga bugas?” Madahaaan!

Kulang ang pondo?

Alang sa Department of Health, kulang pa ang gitagana nga 2.5 bilyones ka pesos nga budget sa tuig 2021 alang sa pagamalit og bakuna batok sa COVID-19 kay lage nagkinahanglan sila og 12.9 bilyones ka pesos aron matuman ang mando sa Presidente nga 20 milyones ka tawo ang mabakunahan dayon sa unang hugna.  Naghisgot na ang DOH sa kakulangon, apan wala pa sila maghikyad sa epektibong pamaagi unsaon paggamit ang maong budget. Daw tawo nga hangol nga wala pa gani makasugod paghungit sa iyang gihukad, nangayo na og dugang pagkaon. Fezteleern!

Wa magsalig sa bana

Gipadayag no Lt. Gen. Guillermo Eleazar nga mikunhod ug bale 47% ang gidaghanon sa krimen atol sa unom (6) ka buwan nga pagpaubos sa nasud sa kwarentinas tungod sa coronavirus pandemic.  Sama ra nga miangkon si Lt. Gen. Eleazar nga kon wala pa ang kwarentinas, inutil diay gihapon ang kapolisan sa pagsumpo sa krimen. Makapahinumdum kini sa komedya sa managtiayon nga gidayeg kay nakahimo pa sila’g tulo ka anak bisan tiguwang na ang bana, diin miprangka ang asawa sa pag-ingon, “Ay dah, kon magsalig pa ko sa akong bana, ambot kn makatulo ba; maayo na lang tingale kon dunay usa”.  Napakasakit Kuya Eddie!

Angay na nga padaganon

Miumol og usa ka task force ang kagamhanan sa Dakbayan sa Sugbo nga maoy motabang pagpahigayon aron ang mga pampasahero’ng jeepney makadagan na pagbalik sa kadalanan.  Ang Task Force motabang pagkumbinsir sa LTFRB nga mohatag na sa maong pagtugot.  Kon gitugutan ang mga buses, ngano’ng dili man ang mga jeepney?  Subayon lang gud ang mga health protocols.  Di ba giingon man nga “Kon unsay makaayo alang sa ITIK, makaayo usab ngadto sa GANGSA”. Na hala, arangkada na!

BSP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with