Cash cards alang sa mga senior citizens
SENIOR CITIZEN - Antolin dela Serna (Banat) - September 11, 2020 - 12:00am

Giingon dinhi nga ang pagpang-apud-apod unya sa financial assistance ngadto sa mga senior citizens, ipaagi na sa cash cards, ug ang Land Bank of the Philippines (LBP), matud ni Mayor Edgar Labella, miuyon na sa maong lakang.

Matud ni Labella, adunay nga problema kining house-to-house nga pagpanghatag sa financial assistance ngadto sa mga senior citizen niining panahon sa pandemic nga mabutang sa ka-peligro ang mga senior citizens mismo.

“Akong nakita ang problema. Bisan unsaon nato’g badlong, although naay mga lugar na motuman pero naa sa’y mga lugar na mo-violate gyud sa mass gathering,” nagkanayon si Labella.

Sa ato pa, moandar gayud ang pagka-gahi’g ulo sa uban natong mga senior citizen. Dili patuo’g badlong. Niay uban, dili makahuwat sa ilang mga pinuy-anan, muadto gayud sa mga tawo nga in-charge sa pagpanghatag sa maong financial assistance. Dili na motuman sa mga health protocols, sama sa paggamit og face mask ug face shield, ug pag-observe sa social o physical distancing.

Nia say uban natong kaigsuonan, ilabi na ang mga batan-on nga ang face shield ilang gihimong headband, anha nila ibutang sa agtang, ug ang face mask sa liug pod isul-ob, naka-defeat sa tuyo niini aron unta dili maginhawa ang kagaw.

Pagkabalongon baya gud nato uy! Maayo man gani nga mikunhod na karon ang gidaghanon sa mga natakdan sa virus.  Apan, matud ni Mayor Labella, dili maayong ikompiyansa kay tingali unya’g mobalik kita ngadto sa ECQ kon enhanced community quarantine.

So, atong ipadayon ang atong pag-disiplina sa atong kaugalingon. Ug kon nakahasol kanimo kining atong kahimtang karon, dugang pang pailob ang gikinahanglan.

Kitang mga senior citizen, dugang pag-antos lang una. Sa kadugay na nato dinhi sa kalibutan, dili bag-o alang kanato ang pagpailob ug pag-antos.

We are not strangers to patience and sufferings.

Kay matud pa sa akong nabasahan, kini konong mga kakulian ug mga katalagman, paagi kono kini sa Ginoo aron ma-sentro ngadto kaniya ang atong paglaum,” to make us humble, feel helpless, powerless, and vulnerable.

Sufferings and pain are God’s call for man to be humble and have Faith.”

So, niining atong panahon karon, wala ba kita ma-humble?  Di ba wala man maka-andar ang atong pagka-hambugero?  Wala ba kita maka-realize sa pagkahuyang ug pagka-powerless sa tawo  niining gumonhap nga atong giatubang karon?

Perhaps, ang uban kanato napugos pagsangpit sa Ginoo,  nga sa unang mga panahon, panahon sa atong paglipay ug pagmaya, dili kita mahinumdom kaniya?

Karon nakaamgo n

Si Labella mitukod og task force nga maoy mo-negotiate uban sa LBP, bahin sa gilaraw nga cash cards. Apan adunay mga kabalaka mahitungod niini.

Matud pa, tungod kay ang mga senior citizen maghupot na man sa maong cash cards, dili na sila kinahanglan nga makigkita o makig-communicate pa sa buhatan sa OSCA. Ma-wala na ang personal nga relationship tali kanila og sa OSCA.

Laing kabalaka mao nga kon adunay senior citizen nga mamatay (simbako),  kinsa may diha-diha dayon ang magpahibawo sa bangko ug sa OSCA?

Tingalig masige lang gihapon silag kubra pinaagi sa  gi-authorize nila nga kabanay pagkobra sa financial assistance.

SENIOR CITIZENS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with