Bug-at nga silot alangsa mga molapas sa quarantine

Ato na kining nasugdan paghisgot sa niagi natong lindog. Ato ning padayonon ug tiwason karon.

Suma pa, sila si Konsehal Dave Tumulak, Raymund Alvin Garcia ug Felix Zafra nangamahan og usa ka ordinansa nga magpahamtang mas bug-at, stiffer penalties ngadto sa mga quarantine violators. Sa atong giingon, nindot ni tungod kay makasanta kini sa mga pagpabadlong sa pipila  nato ka igsuon nga wala maghunahuna sa epekto sa ilang pagpabadlong ngadto sa uban nga naningkamot intawon pagtuman religiously sa mga health protocols.

Timing gyud kaayo ang maong ordinansa nga matud ni Tumulak ipatuman na karong Augusto 16, Domingo. Mao nga kamong mga badlongon, pagbantay mo dili kamo masakpan.

Ania: “First time offenders may be fined P1,500 and imprisoned for less than 30 days, or both, at the discretion of the court. Second time offenders will be fined P3,000 and imprisoned for 30 days while third time offenders may be fined P5,000 and jailed for 30 days.” Bug-at gyud nga silot. Ilabina kon magdungan ang pag-multa ug pagpa-bilanggo. Ug dugang niini, dili na sila makadawat sa mga cash incentive gikan sa dakbayan, ingon man mga grants, tax amnesty, ug ubang mga monetary benefits sulod sa duha ka tuig gikan sa pag-pagpahamtang sa silot.

Haskang paita! Imo kining mahiaguman gumikan lang sa imong pagpasagad ug pagpabadlong. Bida no, kasayon ra gyud unta sa pagtuman sa mga health protocols.

Ug ang mga patigayon nga mosupak sa mga protocols, mahimong kanselahon ang ilang permit o tak-upan ang ilang negosyo. Bug-at sad kaayo.

Ania ang pipila ka gidili nga mga kalihokan:”Loitering in the streets and other public areas, going out of the residence without the required G/ECQ passes, or without wearing any facemasks or other forms of protective equipment, or any form of mass gathering such as movie screenings, sporting events, entertainment activities, and other non-essential assemblies or meetings.”

So, klaro. Dugay na tang nahibawo niini, apan ato lang kining gipakabali-wala, gumikan sa atong pagka-bright. Pagka-bright nga wala sa lugar. Pagka- bright nga medyo pagka-bulok.

Tuyo sa maong ordinansa uban sa bug-at nga mga silot, mao ang pag-“instill in the minds of the residents the gravity of the situation; to deter any more violations which put at risk the health of the community and to amplify the seriousness and imminent threats during this grave health crisis.”

Ang tuyo sa GECQ passess mao lamang ang pagpamalit og mga essential good, medicines, medical supplies, ug ubang mga basic commodities, exercise of profession, or occupation sa mga trabahante sa exempted nga mga business establishments.

Sa ato pa, di mahimo nga magsuroy-suroy lang o magpahayay gawas sa panimalay. Antoson lang una ang dili pagbisita sa uyab o sa kabit. At least, niining mga panahona, mahaduol kita sa atong asawa o bana, sa atong mga anak, ubang mga suod sa atong kasingkasing. In fairness hinuon natong mga senior citizens, it seems nga gamay ra kaayo ang nagpabadlong.

Ang PNP, CCTO, PROBE Team, ang mga barangay officials ug mga Tanod maoy mopatuman strictly sa maong ordinansa.