Kinsay arogante?
LINTUNGANAY - Fred P. Languido (Banat) - August 13, 2020 - 12:00am

Nireklamo ang mayor sa Liloan tungod sa nahimong epekto ngadto sa usa sa mga batakang serbisyo sa lungsod dihang ang drayber sa ilang ambulansiya gipapriso  sa dakong opisyal sa Vicente Sotto Memorial Medical Center (VSMMC) niadtong Biyernes, Agosto 7, tungod sa pasangil sa pagkaarogante.

Sigun sa asoy ni Mayor Christina Frasco, gidakop ni Atty. Paul Gino Lopez ug sa mga gwardiya sa VSMMC ang drayber sa ambulansiya sa Liloan nga si Rocklief Mondigo ug gibalhog sa bilangguan didto sa Abellana Police Station sukad sa adlaw'ng Biyernes hangtud sa Dominggo nga way kasong gipasaka.

Gibuhian lang si Mondigo dihang nanawag ang mayor ngadto sa direktor sa VSMMC nga  si Dr. Gerardo Aquino ug nagpatabang nga makabuhi ang ilang drayber sanglit daghan ang mga pasyente nga gikinahanglang ihatud sa ambulansiya.

Basi sa post sa mayor diha sa Facebook, nasuko si Lopez ngadto ni Mondigo dihang gibosinahan tungod kay nagbabag kini sa agianan samtang naghatud ang naulahi og pasyente didto sa emergency room sa VSMMC.

Tungod sa kasuko nga siya gibosinahan, ug tingali natandog ang garbo sanglit siya dakong opisyal sa tambalanan, gihapak ni Lopez ang ambulansiya hinungdan nga nikanaog ang drayber ug nahitabo ang kumprontasi.

Ug tungod kay ultimo lang nga drayber si Mondigo kontra sa abogado ug opisyal sa tambalanan sa gobyerno, sa prisohan siya giguyod ug gibalhog. Sa iyang bahin, si Lopez miingon nga hapit siya dasmagi ni Mondigo hinungdan nga iyang gipikpik og hinay ang ambulansiya. Apan giingon nga nasuko ang drayber ug arogante ni nga miduol niya uban ang hana sa pagpasakit hinungdan nga miduol ang mga gwardiya sa tambalanan.

Nakalitan kuno siya sa hitabo ug sa kaisog ni Mondigo hinungdan nga mipatawag siya og pulis nga maoy midakop sa drayber. Apan sukwahi ang record sa kapolisan tungod kay citizens arrest ang nahitabo. Buot ipasabot sila si Lopez ug angmga gwardiya maoy nagsilbing arresting officers.

Ang hinungdan tungod kuno sa “unjust vexation” kay nakasinati ang abogado og “emotional distress”.  Laing pasangil mao nga way lisensiya si Mondigo nga nagmaniho sa ambulansiya. Ang akong pangutana kanus-a lang nahimong basihanan aron dakpon og prisohon ang usa ka tawo tungod kay nahimo siyang hinungdan sa  "emotional distress" sa laing tawo?

Kun "unjust vexation" ray reklamo ni Lopez batok ni Mondigo kinahanglan ba niya kining ipabilanggo? Utro pud nga hanggaw ang kapolisan nga misugod sa gihimo ni Lopez sa way pagsusi angayan bang prisohon ang usa ka tawo tungod lang kay siya gipasanginlang arogante.

Kun alang ni Lopez arogante ang drayber sa ambulansiya, ang angayan niyang gibuhat mao ang pagreklamo niini ngadto sa municipal government. Kun tinuod nga way lisensiya, dili trabaho ni Lopez ug sa mga gwardiya sa tambalanan ang pagsita may lisensiya ba o wala ang mga drayber nga magdala og pasyente diha sa VSMMC.

Isip opisyal saVSMMC si Lopez maoy labaw'ng nasayod sa ilang kaugalingon nga polisiya nga gidili ni bisan kinsa ang pagbabag sa driveway labi pa diha sa emergency area. Nganong nagbabag man sad siya sa driveway?

Dili si Mondigo maoy aroganti sa nahitabo kun dili si Lopez tungod sa iyang tataw nga pagpanlupig sa kabus nga drayber sa ambulansiya. Ang pagpabilango sa usa ka tawo bisan way igong hinungdan maoy labing taas nga matang sa pagkaarogant.

VSMMC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with