SONA sa bag-ong normal
AMBOT LANG - Gerry Auxilio (Banat) - July 28, 2020 - 12:00am

Ang State of the Nation Address or SONA o Talumpati sa Kalagayan ng Bansa usa ka tinuig nga pagpaabot sa Presidente sa Pilipinas sa iyang mensahe ngadto sa mga magbabalaud atol sa hiniusang session sa kongreso sa Pilipinas.

Sigun sa mando sa 1987 nga Batakang Balaud, ang mensahe sa Presidente pagahimoon kada ika-upat nga Lunes sa buwan sa Hulyo sulod sa Plenary Session Hall sa Batasang Pambansa Complex sa Batasan Hills, Quezon City sa Metro Manila.

Ang SONA usahay isibya sa radyo ug telebisyon ug imantala sa mga pamantalaan, magsilbi nga pamaagi sa pagpaabot sa Presidente ngadto sa katawhan mahitungod sa kasamtangang sitwasyon sa ekonomiya, politika ug sosyal nga kondisyon sa nasud.

Ang SONA nagsilbi usab nga sakyanan sa Presidente sa pagsumada sa iyang mga nahimo sa miaging tuig ug sa mga plano niini sa umaabot pa nga katuigan sa iyang pagdala sa renda sa kagamhanan sa nasud sa Pilipinas hangtod na sa katapusang tuig sa iyang termino.

Matag abli sa Kongreso magsubwak gayod ang mga sakop niini ug ang ilang mga bisita nga buot mosaksi sa tinuig nga kalihokan sa Presidente sulod sa kongreso. Apan, lahi na kini karon tungod kay ang gidaghanon sa mga gitugotan nga makatambong anaa lamang sa singkuwenta ug ang tanan nga gitugotan nga makatambong gikinahanglan una nga magpa swab test. Bisan ang Presidente miingon nga siya mismo nagpa swab test alang sa kaseguroan sa mga mitambong sa SONA.

Hinuon, ang pinakamahinungdanon sa tanan (gawas sa panglawas) mao ang mensahe sa Presidente nga nagsilbi nga tubag sa pangutana sa iyang mga kritiko kun giunsa niini sa pagtubag ang suliran sa Coronavirus disease dinhi sa nasud.

Hinaut pa unta nga nakontento kamo sa gipadangat nga mensahe sa Presidente ug nakapadangat ug sakto ug klarong taho ang Presidente kabahin sa recovery plan sa nasud sa nasinati nga COVID-19 pandemic.

SONA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with