Sakripisyo makaluwas
JAV BANATI - Javier Yntig Tapulado (Banat) - July 27, 2020 - 12:00am

Padulong nang mo-lima ka bulan ang padayong pagpanghasi sa COVID-19. Daghan ang nangamatay – kinabuhi sa tawo ug kinabuhi sa mga gagmay’ng patigayon.

Ang mga adunahan nga kanhi hayahay kaayo ang kinabuhi, nakasinati sab og kalisod. May ikagasto tuod silang minilyon ingkasog simbako matapta’g COVID-19, apan mga ospital puno. Unya wala pa gyoy tambal nga sarang makaluwas sa datong pasyente, kinsa maglisod nag ginhawa.

Ang mga middle class nga kanhi wala gyod magutmi, karon nakasinati sab og kagutom. Unsa na kaha ang mga kabos nga usahay ikatulog na lang ang kagutom? Labi na, ang mga tapolan ug walay mga trabaho?

Kini sila unta ang gihataga’g seryosong pagtutok sa atong mga lider. Kon unsay angay buhaton nga ang ilang kaidlas, mapugngan ug mahapuhap unta sa mga mapinanggaong kamot sa usa ka matuod nga public servant nga nagmahal.

Buwahan, ang mga kinaiya nga nahisama sa ihalas, mabag-o ug mahimo nang kinaiya sa mga buotang karnero.

May batan-ong maestra mipabuhagay sa iyang sugyot. Matud niya, kon pagsugod sa unang kuwarantina, enhanced community quarantine (ECQ), gisugdan pa sab dayon ang hugot nga pag-implementar sa 14-day lockdown sa tibuok siyudad ug lalawigan sa Sugbo, tingale, maoy atong makab-ot ang lahi kaayong resulta.

Tinuod, lisod buhaton ang pagpugong sa unsay atong naandang gimbuhaton matag adlaw. Stay home? Wear facemasks? Social distancing? Etc., etc.? Mga sakripisyo kini nga bug-at kaayo pas-anon. Apan kon pinaagi ning maong sakripisyo, makatabang kita sa pagkahanaw ni COVID-19 ug matabangan nato pagluwas atong kaigsoonan hasta ato mismong kaugalingon, nan, ato kining gakson ug sundon.

Dili ba mas dalaygon mang mamatay tungod sa dakong gugma ngadto sa atong isig ka ingon? Kay sa mamatay nga kita mismo maoy hinungdan sa ilang pagkamatay?

Bisan pobre, may hait gihapong hinagiban ning pagpakiggubat sa COVID-19. Ug kini, mao ang pagsakripisyo pagsunod sa tanang balaod nga nalatid sa kuwarantina.

Ayaw kahadlok nga mamatay sa kagutom ang imong lawas. Ang kahadloki mao ang pagkalaglag sa imong kalag.

Timan-i. Ang pagsakripisyo sa kaugalingon aron lang maluwas ang atong isig ka ingon, makaluwas sab sa imong lawas. Ug labaw na, sa imong kalag. Diin, ang Ginoong nalipay sa imong gihimo, nag-andam na nimog lawak didto sa langit.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with