EDITORYAL - Atimana ang mga gi-home quarantine
(Banat) - July 14, 2020 - 12:00am

Bisan ang mga kadagkoan sa gobiyerno nga nakatutok niining  novel coronavirus disease (COVID-19) dili magkatakdo og mga pamahayag. Mga pamahayag nga nahimong polisiya ug mao untay ipatuman diha sa ubos.

Kini human nga ang tigpamaba sa Department of Health miingon nga wala nila gi-discourage ang home quarantine, apan kinahanglan lang gyud nga masunod sa mga pasyente ug sa iyang pamilya ang “minimum health protocols” aron di makatakod sa uban dili lang sa ubang tawo kondili hasta mismo sa mga miyembro sa pamilya sud sa panimalay. 

Sukwahi kini sa pamahayag ni Cabinet Secretary Karlo Nograles nga co-chairman sa COVID-19 task force nga nag-ingon gilikayan sa gobiyerno ang pagpa home quarantine sa COVID-19 patients kay kinahanglang dad-on gyud sila sa isolation facilities.

Maayo baya ang tumong sa duha apan lahi-lahi ang reyalidad diha sa ubos. Kay dunay mga lugar nga sikit-sikit ang kabalayan unya dunay mga barangay nga kuwang pag-atiman sa mga nag-home quarantine. Bisag gidala na ngadto sa isolation facilities kadtong nagpositibo kinahanglan untang atimanon sa mga barangay ang kabanay nga nahibilin sa balay.

Dili ra kutob pagbutang og “yellow line” sa balay ug nagbilin og pasidaan nga kinahanglan nilang mag-home quarantine sud sa pipila ka adlaw.

Kinahanglan gyud untang kanunay nila kining bisitahon aron dili pagsigurong wala sila mogawas-gawas ug aron sab mapamalihugan sila pagpalit sa mga gikinahanglan sa mga nag home quarantine.

Kay kining mga ginagmay nga pagpasagad sa mga gitahasan sa trabaho diha sa barangay level posibleng mao sab ang hinungdan kun nganong nagpadayon ang pagsaka sa mga kaso. Dinhi sa Cebu City, girekomendar ni DENR Secretary ug COVID Response overseer Roy Cimatu ang pagdala sa tanang magpositibo diha sa isolation facility sa SRP ug dili na sa mga barangay isolation centers.

Maayo kini og tumong, nakuha-kuhaan og ginbuhaton ang mga barangay.   Apan wala kini magpasabot nga wa nay ginbuhaton ang mga barangay sa nahibiling mga kabanay sa mga gipangdala sa isolation facilities.

QUARANTINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with