Gibalhin og laing assignment ang security guard
Dear Atty. Divine,
Usa ako ka security guard nga na assign sa usa ka bangko sud na sa kapin usa ka tuig. Apan karong bag-o gi-pull-out ko og gibalhin og assigned sa usa ka construction site. Ang problema sa akong bag ong assignment kay init kaayo ang maong lugar unya duna koy gamayng problema sa health og basin mograbe kini tungod sa environment sa akong trabaho-an. Ang akong pangutana kon pwede ba ko makabalibad sa maong assignment? Daghang salamat. —Jude
Dear Jude,
Ang imong employer dunay katungod nga mo-assign kanimo sa bisan asang lugar as long as dili kini in bad faith, dili pag-demote or dili makaapekto sa imong sweldo. Mismo ang Korte Suprema sa ilang mga nahaunang desisyon nagkanayon nga prerogative sa management ang pag assign sa iyang mga trabahante. Sa imo nga kaso, mamahimo ka nga mosuway og hangyo sa imong employer nga kon mahimo i-assign ka sa laing lugar gawas sa construction site apan kon mobalibad kanimo ang employer then you have to follow sa iyang mando or else mamahimo kang mataktak sa trabaho kon dili ka motuman niini. Thanks and God bless. —Atty. Divine
* * *
Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest