Illegitimate children mamahimong beneficiaries sa SSS

Dear Atty. Divine,

Aduna koy illegitimate nga anak ug ako kining gi acknowledge. Member ko sa SSS ug I’m still single. Ang akong pangutana kun pwede ba nako  mamahimong beneficiary ang akong anak  sa akong Social  Security  System (SSS) bisan kun siya illegitimate? Daghang salamat.

John

* * *

Dear John,

Basi sa Republic Act  8282 kon  Social Security Act of 1997, kini nagtugot sa mga illegitimate  children nga mamahimong beneficiaries sa SSS.

Buot ipasabot nga dili lang mga legitimate, legitimated or legally adopted children ang namahimong beneficiaries sa SSS kondili lakip na ang mga illegitimate children sa usa  ka miyembro sa SSS.

Apan ang iyang madawat nga benepisyo 50% lang sa benefit sa legitimate children apan kun way laing primary beneficiaries mamahimong 100% ang madawat nga benepisyo sa illegitimate child basi sa Section 8  S (k). Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.