Niña nakalimot
JAV BANATI - Javier Yntig Tapulado (Banat) - March 30, 2020 - 12:00am

Gidili ang pagpabaha og fake news sa social media labi nag motandog kini bahin sa sensitibong kahimtang sa gikalisangang Coronavirus Disease (COVID-19). Hasta kapila kini balikbalikag pahibalo ni Governor Gwen Garcia ug sa tanang mayor sa mga dakbayan sa Sugbo aron dili madugangan og laing kahadlok ang gibati sa katawhan nga hagbay rang nabalisa.

Ingon niini kapinangga ni Inday Gwen ug sa atong mga city mayors ang mga Sugboanon. Nahisama sila sa atong mga ginikanan nga bisag may gimulo na nga delikadong balatian, dili sila gusto nga dihadiha, tug-anan dayon ta. Kay maoy ilang tuyo nga dili kita mabalaka samtang sa hilom, nangita silag mga epektibong paagi o tambal nga sa madugay o madaling panahon, makaalim ra niini.

Wala kini magpasabot, nga ang pagtago sa maong sakit, forever. Nahibawo sila nga importante sa mga anak nga masayod sa tinuorayng kahimtang. Pero nagkinahanglan kinig igong panahon sa paghunahuna aron ang mga anak dili makalitan ug makurat. Nga sa ato pa, silang ginikanan nasayod kanus-a iyagyag ang kinatibuk-ang tinuod.

Hinungdan, nga miawhag si Inday Gwen ug mga city mayors nga paabot lang ta. Dili lang gyod ta mag-una-unag post og balita sa social media nga dili gikan sa legal ug kasaligang tinubdan nga maoy gisangonan sa gobiyerno niining trabahoa.

Tan-awa, unsay nahitabo niadtong mga mipakatap og fake news, sila gi-trace ug gisikop. Unya, dihang gipangayoag ebedinsiya unsa ka tinuod ilang gisulti, walay gipakita.

Sama sa nahitabo sa bag-ong konsehala sa siyudad sa Sugbo nga si Niña Mabatid, kinsa nakontrobersiyal human mabasahi kining pipila ka tudling nga iyang gi-post sa Facebook:

“Three died already with suspected Covid here in Cebu City. Namatay na lang, wala gihapon na-confirm. I just can imagine pila na kaha ang positive. I believe there are more than 10 already that are in the hospital now. So pls stay home everyone.”

Hait kaayo paminawon ang unod ning iyang mensahe. Makasamad sa kasingkasing sa mga lider sa Sugbo, kinsa monas ginhawang paningkamot nga dili makahimog sensitibong kasikas nga maka-panic sa nagkurog nang katawhan.

Nakalimot si Niña nga siya, makonsiderar sab nga atong inahan sa Sugbo. Unta, girespeto ang unsay giampingan sa mga kaubanan niyang lider.

NIñA NAKALIMOT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with