Alcohol pangontra sa COVID
BALITAHOM - Atty. Jose Marie N. Poblete (Banat) - March 26, 2020 - 12:00am

Usa ka opisyal sa barangay ang ipaubos sa imbestigasyon sa kapolisan human giingon nga nakalapas sa balaod nga nagdili karon sa pag-inom og ilimnong makahubog diha sa gawas sa panimalay.

Atol unya sa imbestigasyon, duha ka punto ang mahimong i-rason sa barangay opisyal: una, tungod sa kainit sa panahon karon, nunot usab sa kanihit sa tubig, napugos siya pag-inom og bino; ikaduha, giingon man nga makapa-islag sa COVID ang alcohol, mao nga miinom siya ug bino aron masudlan og alcohol ang iyang lawas. Madahaaan!

Daw pisô nahumod sa kinilis

Sangko sa langit karon ang pagbasol sa usa ka netizen samtang nangayo og pasaylo human siya gidakop sa kapolisan tungod sa iyang pagsupak ug pagbugal-bugal sa lagda nga giluwatan sa Gobernador pagbatok sa coronavirus.

Sa pagpangayo niya’g pasaylo, wala molutaw sa iyang panagway ang sinseridad, hinunoa mas tataw ang iyang gibati nga kahadlok ug kahingawa.  Mao na’y giingon nga “Pa-tigre-tigre sa Facebook, apan karon nga gitaral, daw PISÔ ra man diay nga nahumod sa kinilis. Tagaaam!

Mobisita gihapon si “Judith”

Misuspende karon ang MERALCO sa pagbasa sa mga metro ingon man pagpanghatud sa mga billing statements ngadto sa mga konsumidor tungod sa gipatuman nga kwarentinas.  Dili angay nga magmaya ang katawhan kay padayon gihapon ang pagpatak sa metro. Wala tuod kay bill nga madawat apan pag-abot sa panahon, magtipun-og na ang bayronon. Mobisita ra unya gihapon si “JUDITH” (Due Date). Bayad ra gihapon sa way kusmod.  Saoonz!

Pagahiay’g ulo, daug ang Pinoy

Misugyot karon ang bilyonaryo nga si Bill Gates nga kinahanglan na nga mag-shutdown na usab ang Estados Unidos aron mapugngan gayod ang pagkuyanap sa coronavirus.  Dugang pa ni Bill Gates, “dili mahimong ablihan ang mga patigayon unya tan-awon lang ang nagtipun-og nga patay’ng lawas diha sa daplin”.  Dinhi sa Pinas, daghan gihapon ang mga kanahan. Kon nabalaka na pag-ayo ang mga dato nga nasud, labaw pa unta kita.  Kon dunay bangga sa pagahi-ay og ulo, hayan modaug gayod ang Filipino.  Faeetz!

Facebook parehas na sa pagkaon

Nasayran karon nga adunay dakong pagsaka sa gidaghanon sa paggamit sa Facebook taliwala sa coronavirus pandemic nga miigo sa daghang nasud sa kalibotan.  Misaka ingon man ang paggamit sa “voice ug video call” sa maong mga lugar.

Dayag na lang mahitabo kini.  Karon nga gi-kwarentinas ang katawhan, way lain madangpan: kaon ug facebook lang.  Alang sa kadaghanan, pareho na ka-importante ang pagkaon ug ang Facebook.  Lahi na ang panahon!

COVID
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with