Panghugas dili makaluwas
JAV, BANATI! - Javier Tapulado (Agence France-Presse) - March 22, 2020 - 12:00am

Taliwala sa bagang duot sa katawhan, gipaatubang si Hesus ni Pilato, kinsa nangutana: “Kinsay pabuhian ninyo: si Barabas ba, o si Hesus?” Mitubag sila: “Si Barabas!” “Unsay buhaton ko ni Hesus nga gitawag og Kristo?” Mitubag ang tanan: “Ilansang Siya sa krus!”

Sayod si Pilato nga gitugyan si Hesus sa mga magbabalaod ngadto kaniya tungod sa kasina. Gani, ultimo iyang asawa nagpadalag mensahe: “Ayawg hilabot niining tawong balaan. Kagabii, makalilisang ang damgo ko bahin Niya.”

Nahimutang sa alanganin si Pilato. Kinsay iyang sundon: ang iyang asawa, o ang katawhan?

Nakamatngon si Pilato nga wala na siyay mahimo ug nahadlok nga basig magkagubot kon iya silang supakon. Busa, nangayo siyag tubig, nanghugas sa kamot ug miingon: “Dili ko manubag sa Iyang dugo. Inyo ning binuhatan.” (Mateo 27:24)

Tuod man, si Barabas ang gibuhian ug si Hesus maoy gilansang sa Krus. Nagtuo si Pilato nga ang pagpanghugas sa iyang mga kamot, makaluwas sa iyang kalag.

Apan nasayop siya. Kay niadtong panahona, siya ang gobernador, ang kinatas-ang otoridad nga maoy pinaleng mohukom kinsa ang maayo, hain ang dautan? Ug dili ang katawhan nga naglunang sa kasal-anan.

Si Pilato dugay nang nawala sa kalibotan. Apan ang iyang binuhatan nagpabiling buhi sa panid sa Balaang Kasulatan o bibliya.

Dili maayong panag-ingnan ang mga tunob nga iyang gibilin ning kalibotan. Apan daghan gihapon ang misundog.

Usa kanila, mao kadtong manager sa Flora Massage and Spa, kinsa puwerte gyong panghimakak nga wala kuno siyay kalabotan sa extra service sa ilang napulo ka babayeng masahista, dihang giimbestigar ug napriso human gironda sa kapolisan ang nahisgotang dapit ug nasakpang naghimog unsay gidili sa balaod.

Matud niya, kon unsa kunoy sabot sa kustomer ug sa masahista sulod sa tinakpang lawak, ang kompaniya ug siya wala nay labot niana, sanglit cashier lang siya. Pastilan, siya ang manedyer, siya ang sinaligan sa kompaniya, wala masayod unsay mga inadlaw'ng panghitabo sulod sa ilang kaugalingong poder?

Ning pagpanghugas niya sa iyang mga kamot, diin sama ni Pilato, ingon sa gusto niyang isalikway ang iyang command responsibility, dinhi siyang dapita mabug-atan. Kay dili gyod kini makaluwas sa giatubang niyang mga rehas nga niadtong Marso 18 pang mibilinggo kaniya.

MAKALUWAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with