Virus miataki

Disyembre 2019 mitunga ang Coronavirus Disease (COVID-19) ug miataki sa tibuok kalibotan. Ang virus mikutlo na og sobra sa unom ka libo ka kinabuhi sa tawo. Wala pay tambal o bakuna nga makaalkontra o makatambal niini.

Enero 30, 2020 gikonsiderar sa World Health Organization (WHO) ang COVID-19 nga Public Health Emergency of International concern.

Marso 8, 2020 gipakanaug ni Presidente Rodrigo Roa Duterte ang Proklamasyon 922 nga nagpaubos sa tibuok nasud sa estado nga Public Health Emergency.

Marso 10, 2020 gikonsiderar ug gideklarar sa WHO ang COVID-19 health event nga usa na ka pandemic.

Marso 12, 2020 gipagawas sa Inter-Agency Task Force for the Management of Emergency Infectious Diseases nga gilangkoban sa DOH, DFA, DILG, DOJ, DOT, DOTr ug DICT ang resolution Numero 2 nga nagtugot sa protocol nga pagasundon kalabot sa COVID-19 outbreak nga naglakip sa pagsuspenso sa mga biyahi sa tanang matang sa sakyanan sa yuta, dagat ug kawanangan nga mogawas ug mosulod sa Metro Manila.

Marso 16, 2020 gipaubos ni Presidente Duterte ang tibuok Luzon sa Enhanced Community Quarantine ug gidid-an ang mga tawo sa pagsulod ug pag gawas sa Luzon. Gipatuman ang mga check points, curfew ug gidili na ang tanang matang sa pang publikong sakyanan apil na ang mga motorsiklo nga gihimong pasaheroan.

Marso 17, 2020 gideklarar ni Presidente Duterte nga ubos na sa estado sa kalamidad ang nasud.

Ang deklarasyon gihimo aron magamit sa gobyerno ang iyang pundo sa pagpamalit sa mga gikinahanglan nga proteksiyon batok sa COVID-19.

Giingon sa mga eksperto ug Department of Health nga ang makapugong sa virus mao lamang ang lig-on nga immune system ug ang sakto nga kalimpyo sa kamot gamit ang tubig ug sabon o alcohol sa pagpanghunaw.

Pero ang pinakamahinungdanon mao ang pag-inum ug pagkaon sa pagkaon nga adunay bitamina C nga makapalig-on sa immune system aron dili madutlan sa ataki sa virus.

Kun lig-on ang immune system dili na maproblema ang tawo kon wala nay mga alcohol ug maskara.