EDITORYAL - Illegal gambling
(Banat) - February 26, 2020 - 12:00am

Gimando sa kadagkoan sa Philippine National Police ang paghingusog sa kampanya batok bisan unsang matang sa ilegal nga sugal, hasta magsugal sa mga haya sa minatay daginuton sa pagdakop.

Ang sugal usa ka karaang bisyo o usa ka matang sa kalingawan sa malambuong sibilisasyon, gani naa man kini sa Bibliya. Sa dihang gilansang sa Krus si Hesukristo, nagsugal ang pipila ka sundalong Romano diha sa iyang tiilan.

Dili sab kini talagsaon sa kalibotan, kay dili lang ang mga Pilipino maoy nagbuhat niini. Sa karaang panahon, wala kini buhis sa sinugdanan apan dihang nakita nga daghan ang nabuang sa sugal ug  dako ang makolekta gikan niini, nauso na ang pagkuha og mga permits o lisensya.

Pinaagi niini, makakolekta og buhis ang gobiyerno samtang matawag nga legal ang operasyon sa sugalan. Sama kini sa mga casinos ug kanang sa Philippine Charity Sweepstakes Office nga Swertres, lotto games ug kining bag-o ang Philippine Overseas Gaming Operation (POGO) sa mga Chinese.

Apan sa tinuod lang, kun kaniadto kalingawan lang sa mga tawo, karon daghan na ang nangabuang niini bisan diha lang sa mga barangay. Gani nahimo na kining bisyo sa uban.

Sa haya sa minatay makapatapok sa mga silingan ang sugal, dunay magbaraha ug mag-mahjong ug usahay duna pay maghantak. Kay ang kalas adto man mapaingon sa namatyan aron ipalit og kape og pan sa mga magbilar.

Nabantayan nga kun wala niini, sagad sa mobilar kadto ra gyung pamilya o mga suod sa namatay ang magpulaw.

Hinuon gitugot sa kapolisan ang usa ra ka lamesa sa baraha o usa ka lamesa mahjongan sa haya. Maayo nalang ni nungka sa wala. Paunhanay nalang og lingkod. Kun magsugal naman lang, adto nalang sa legal aron dili magmahay sa uwahi kay basin og madakpan ug mapriso na hinuon.

ILLEGAL GAMBLING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with