Dear Atty. Divine,
Duna koy amiga nga nag post og comments sa Facebook batok sa iyang gikaaway. Tulo mi ka amiga niya nga nag like sa iyang comments sa Facebook. Karon gihulga siya nga pasakaan og kasong Cyber libel apan ako ug ang laing amiga nga nag like sa iyang post sa Facebook gihulga mi nga iapil sa pagpasaka og kaso. Ang akong pangutana kun maapil ba mi sa pagkiha bisan kun igo ra mi nag like sa iyang gi post sa Facebook? Daghang salamat.
Gina
* * *
Dear Gina,
Ang pag like sa libelous posts sa Facebook dili kana kabasihan aron ka maapil sa pagpasaka og kasong Cyber libel. Basi sa nahaunang desisyon sa Korte Suprema, gi nullify niini ang Section 5 sa Cyber Crime Law nga nagpahamtang og silot sa “ aiding or abetting of Libel on cyberspace.” Sa Disini vs. Secretary of Justice case, ang Supreme Court mipasabot nga kun ang comment igo ra miuyon sa post or nag like then dili kini punishable. Apan kun ang comment naghatag og laing defamatory story o libelous statements batok sa usa ka tawo then pwedeng mapasakaan og kasong Cyber libel ang nag post sa maong libelous comments. Sa imo nga kaso, igo ra mo nag like sa libelous post sa inyong amiga, so dili kini makonsiderar nga kalapasan sa Cybel Crime Law. Thanks and God bless.
Atty. Divine
* * *
Alang sa inyong pangutana, ipadala lang sa Legal Cormer sa Banat News or email sa flores_divina@yahoo.com ug akong tubagom ang inyong pangutana pinaagi sa akong column matag Miyerkules, Sabado ug Domingo.