Virus sagpaon ni Presidente Rodrigo Duterte
AMBOT LANG - Gerry Auxilio (Banat) - February 13, 2020 - 12:00am

Atong malupig ang 2019 Novel Coronavirus or COVID-19 Mao kini ang pulong ni Presidente Rodrigo Roa Duterte ngadto sa katawhan kalabot sa gikahadlokan nga coronavirus nga makuha sa pag-atsi ug pag-ubo sa tawo nga nataptan na niini.

Sa pagkakaron, subra na sa 1,100 na ang namatay sa virus ug 42,600 na usab ang nataptan sa maong virus sa nagkalainlaing nasud sa kalibotan diin ang kadaghanan kanila mga insik nga taga China.

Giingon ni Duterte nga malupig ang virus tungod kay lig-on ang immune system sa mga Pinoy ug hugot usab ang mga Pinoy sa ilang mga pag-ampo.

Gusto sa presidente nga iyang sagpaon ang virus kun anaa kini sa iyang atubangan.

Mao kini ang problema tungod kay ang kontra nato nga gustong sagpaon sa presidente dili man niya kini makita, gani peligro pa nga siya ang masagpaan niini.

Dili sa ingon nga kulang ko sa pagtuo ni Duterte diin iyang giingon nga malupig nato ang maong sakit. Aduna lang koy reserbasyon niining maong pahayag sa oresidente tungod kay wala man gani nato malupig ang mga lamok nga nagdala og dengue.

Ang lamok nga nagdala og dengue makita ni Duterte ug sa iyang mga health officials pero wala nila kini malupig, ang COVID-19 pa kaha nga dili makita?

* * *

Giputol na ni Presidente Rodrigo Duterte ang Visiting Forces Agreement, ang kasabotan nga usa sa nagdugtong sa relasyon tali sa Pilipinas ug Amerika.

Ubos niining maong kasabota, gipaligon ang kapasidad sa militar sa duha ka nasud pinaagi sa dungan nila nga pagbansay-bansay.

Karon nga wala na kini, unsa kahay nagpaabot niini sa unahan.

PRESIDENTE RODRIGO DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with