Dear Atty. Divine,
Upat mi ka magsuon ug ang among mga ginikanan patay na. Duna silay gibilin nga mga property apan wa pa kini ma-transfer sa among pangan. Wa sab magbilin og Last Will and Testament ang among mga ginikanan. Ang akong pangutana kun amo nang i-partition ang kabilin sa among mga ginikanan, kinahanglan pa ba mi nga moagi sa korte? Daghang salamat. —Paul
Dear Paul,
Kun ang inyong mga ginikanan nga nangamatay wala magbilln og Last Will and Testament og wa sab kini magbilin og utang, di na kinahanglan pa nga moagi mo sa korte kon inyong bahinon ang kabilin sa inyong mga ginikanan. Basi sa Section 1 sa Rule 74 sa Rules of Court kini nagkanayon nga mamahimong bahinon sa mga heirs ang ilang kabilin pinaagi sa pag execute og Extrajudicial Settlement nga pirmahan sa tanang heirs. Apan kun di magkasinabot ang mga heirs kun unsaon nila sa pagbahin ang kabilin then mamahimo nga modangop sila sa korte pinaagi sa pag-file og Petition for Judicial Partition og ang korte na ang mo-partition niini, hinuon mas dugay kining maong proseso kay moagi pa man og mga hearing sa korte. Thanks and God bless. —Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.