Laing pagsuway pagbaraw sa habal-habal
ARANGKADA - Leo Lastimosa (Banat) - January 21, 2020 - 12:00am

Dako ang kahigayonan nga di mahinayon ang pasidaan sa Technical Working Group (TWG) sa Department of Transportation (DOTr) sa pagpanakop na pagbalik sa mga habal-habal sugod sa sunod semana. Di lang tungod kay gisabonan sila atol sa pag-atubang sa Senado gahapon. Kon dili tungod kay hadlok gyod sila sa mga sakop sa Kongreso.

Ambot tungod ba kaha kay may gahom ang Kongreso paglaslas sa ilang puntil, kadaghan na nangisog ang DOTr pagpatuman og bag-ong mga lagda mahitungod sa mga sakyanang pamasahero apan nilubay ra sab dayon dihang gibaraw sa mga magbabalaod.

* * *

Gawas pa, kun napakyas sila sa pagbadlong sa mga habal-habal sa nangaging mga pagsuway, unsaon man nila pagbadlong ang mga habal-habal karon? Di ba ang ka-inutil pagbadlong sa mga habal-habal maoy nakaaghat sa Kongreso pagpanday og mga balaudnon paghimo nilang legal ug sa DOTr paglusad og pagtuon unsa kaluwas ug kamapuslanon ang ilang operasyon?

Ang lapad nga panginahanglan sa mga habal-habal nga nakapakatap nila sa tanang suok sa nasud sa nangaging katuigan mao lang gihapon ang samang panginahanglan nga kinahanglang tagbawon sunod semana, kon hinayunon ang hulga sa pagpanakop pagbalik.

* * *

Nabantang atol sa public hearing sa pag-legalisar sa habal-habal nga nagligoy ang TWG sa unang hugna sa eksperimento sa Hunyo hangtod Disyembre sa niaging tuig. Wa diay magbantay sa aktuwal nga operasyon sa Angkas, nga mao ray apil sa pagtuon.

Wa gani magtagad pagsusi tinuod bang pangangkon sa Angkas nga 99.997% ang kaluwas sa ilang operasyon. Wa katubag ang TWG nganong wa kapangayo og kasayuran sa mga aksidente sa mga motorsiklo gikan sa kapolisan ug local government units (LGUs).

* * *

May sukaranan ang paniid sa mga senador nga di makiangayon ang pagtuon sa DOTr kansang mga lagda klarong nanukad sa kasuko batok sa Angkas:

• Dihang nagprotesta ang kaliboan ka riders sa Angkas sa posibleng pagkawagtang sa ilang panginabuhi, nihulga dayon ang TWG sa pag-blacklist sa Angkas; ug

• Dihang nikiha ang Angkas batok sa pagpamugos sa TWG sa ilang riders sa pagbalhin sa duha ka bag-ong mga kompaniya, ang JoyRide ug Move It, gipahunong sa TWG ang wa pa gani kabuylo nga ikaduhang hugna unta sa eksperimento hangtod sa Marso 23 ning tuiga.

* * *

leolastimosa@gmail.com

HABAL-HABAL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with