League of Senior Citizens
SENIOR CITIZEN - Antolin dela Serna (Banat) - December 27, 2019 - 12:00am

Unsa man ni? Alang sa mga barangay nga naduaw na sa taga-Office of Senior Citizens Affairs ning dakbayan, usa kini ka kalihokan o usa ka movement nga nagtinguha paghiusa o pag-unite sa tanang senior citizens sa dakbayan sa Sugbo.

Kay sa pagkakaron gud, sa ato nang gibalikbalik dinhi ning atong lindog, ang kapin 75 mil ka senior citizens sa dakbayan, nagkatibulaag man, nag-iyahay, nag-kompetensiya, ang uban, naglabwanay sa ilang kalihokan. Divisive kini, instead nga unifying.

Sa ato na usab nga gibalikbalik dinhi, atong gihimo nga example ang paghiusa sa mga retirees ug mga senior citizens sa America nga sa atong banabana aduna nay kapin sa 40 milyones ka sakop. Nga gumikan sa ilang paghugpong, lig-on kaayo ang ilang pundok, giisip nga usa sa labing influential nga lobbying group sa America.

Nga inig-tingog nila, kay lagi, hiniusang tingog man sa kapin 40 milyones ka miyembro, mokurog ang kagamhanan sa America. Mapugos pagpaminaw kanila ang presidente sa America, ang Kongreso, ug ubang kadagkuan nga buhatan sa America. Ingon sila niini ka influential nga pundok.

Dili kita makaingon niini dinhi sa atong nasud. Mao unta kini ang tuyo sa FSCAP kon Federation of Senior Citizen Associations of the Philippines. Apan, pakyas sila niining tungora. Wala nila mahiusa ang tanang senior citizens sa tibuok nasud.

Sa akong bahin pananglitan, mao pay akong pagkahibawo nga duna diay FSCAP sa diha nga napiling national president si Engr. Dodo Abella niining maong kahugpongan. Sa tinguha nga mahiusa kita dinhi sa lalawigan ug mga dakbayan sa Sugbo, among gilibot ang lalawigan sa Sugbo aron sa pakighimamat sa nagkalainlaing senior associations sa kalungsoran ug dakbayan sa Sugbo.

Kon wa ko malimot, niadto sad mi sa Tagbilaran. At least, among gisangyaw nga mga katungod ug pribilihiyo sa mga senior citizens.  Dinhi sa ato, naadto namo ang mga isla sa Camotes ug Bantayan ug ang tanang dakbayan sa Sugbo. At least, amo silang gipakisayran sa existence sa FSCAP. Apan diha ra mi kutob. In my case pananglitan, pagkapupos sa termino ni Abella pagka-national president sa FSCAP, wa na ko ka-dungog niini, hangtod karon.

Sa una, continuous ang among communication with the national Secretariat sa FSCAP, apan, wa na kini mapadayon. Lagmit, wa na sad maglihok ang nasudnong kahugpongan niini. Dihay panahon nga ang NAPC kon National Anti-Poverty Commission magpatawag og tigum sa mga sakop niini, diin ang FSCAP usa sa mga miyembro.

Nagduda ko nga nalakip sa pagka-abolished ang FSCAP pagpirma ni Presidente Digong Duterte sa a National Commission on Senior Citizens Act nga nag-abolish sa National Coordinating Council and Monitoring Board (NCCMB). Sa unang mga panahon, active kaayo ang regional counterpart sa NCCMB ubos sa pagdumala sa DSWD-7 diin paubanon ko ni Abella usahay pagpatambong sa maong mga tigum, bisa’g wa koy labut. Gani, nauban kon pag-meeting nila sa Toledo City.

So, samtang naghuwat kita sa IRR sa National Commission on Senior Citizens Act, maghiusa kitang mga senior citizens, at least dinhi sa atong dakbayan. By the way, ang mga opisyales diay sa mga senior citizens sa Binaliw ug Sapang Daku, atong ma-publish sa sunod natong mga lindog.

SENIOR CITIZENS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with