Iconic Sto. Niño Bridge

Anaa na sa 47.32% ang nahuman sa pag trabaho sa ikatulo nga taytayan o Cebu-Cordova Link Expresswat CCLEX.

Hapit na sa katunga ang natrabaho niini nga gikatakdang matapos sa tuig 2021 nga posibleng matunong gyud sa pagsaulog sa ika-500 ka tuig nga paghiabot sa Sugbo sa Kristiyanismo.

Gani usa sa special feature nga makita unya sa major pylon sa tulay ang Cross nga simbolo sa atong pagdawat sa Christianity.

Busa haum nga nganlan ang tulay og Sto. Ni?o Bridge nga kuhaan sa Balaang Bata nga giyukboan sa katawhan.

Samtang gihatagan og kahigayonan sa CCLEX management ang media sa pagtan-aw sa construction sa tulay niadtong Biernes.

Wow makaingon ta nga nindot kaayo ug maka proud gyud bisan og mga haligi pa lang ug ubang mga dapat ang napabarug.

Gipakita usab pinaagi sa usa ka audio video presentation ang 3D look sa 3rd bridge nga hilabihan ka nindot nga seguradong mamahimo dili lang major tourist attraction kon dili usa ka garbo sa nasud.

Adunay 8.5 kilometers ang iconic structure nga gigahinan og P30 billion nga mag konektar sa lungsod sa Cordova ug dakbayan sa Sugbo.

Safety kaayo ang katukoran sa tulay nga makasugakod kon adunay mga super calamity nga moabot sama sa linog nga makabarug ra gihapon sa 7.8 magnitude.

Rubber ang bearing nga gigamit busa kon dunay pagtay-og maka adjust ra  ug dili maguba.

Sa mga nangutana pila ang bayad sa moagi sa tulay, P85 ngadto sa P89 ang toll fee alang sa mga regular nga sakyanan sama sa awto  apan mas modako sa mga dagkong sakyanan.

Sa mga motorseklo kadto lang 400 cc ang tugotan nga moagi, samtang tugotan ang mga magbisekleta ug maglakaw sa kilid sa tulay.

Hinuon dili pa final ang toll rates apan sulit ra sad kaayo ang bayad kon magdali ka kay hilabihan naman lang ka duol ug dili pa gyud ma traffic.

Karon pa lang daghan na ang mga miangal nga mga netizens ngano kunong pabayran.

Usa ka pribadong entity ang nagmugna sa tulay busa kinahanglan mabawi nila ang gasto nga perting dakoa.

Pagkareklamador naman lang gyud, nganong dili nalang ikalipay nga makaangkon kita og tulay nga atong ikapasegarbo.

Huwaton nato ang pagkahuman sa Iconic Sto. Niño Bridge.