Malisud ang pagbuhi

Kun maglisud ang kinabuhi diha sa panaw, ang bugtong paagi sa pag-survive mao man ang pagsulod sa kinabuhi nga malambigiton. Malambigitom nga pinasikad sa inspirasyon. Ang pagbuhi gikan sa inspirasyon usa man ka dakong kalisdanan. Malisud kaayo ang pagbuhi sa giisip maong inspirasyon labina kun at home ka na niini.

Apan dunay mga higayon nga ang giisip natong inspirasyon maoy tinubdan usab sa atong kalaglagan. Nganong malisud man ang pagbuhi? Ania ang mga rason.

1). Malisud ang pagbuhi tungod sa kahadlok. Mahadlok kita nga mahanaw ang atong kalipay.

2). Malisud ang pagbuhi tungod kay ang kinabuhi usahay nakaumol og condependency matang sa kalambigitan nga dili himsog ug makadaut.

3). Malisud ang pagbuhi tungod kay ang paghimo sa ingon maoy makapabukas ug makapadayeg sa atong kahuyangan. Nindot nga kining maong distinction atong tapuson pinaagi ning sugilanon.

Adunay usa ka tawo nga nahulog sa pangpang usa ka gabii niana. Maayo na lang gani kay nakakupot siya og gamot lang gani kay nakakupot siya og gamot sa kahoy. May tingog nga nisugo kaniya sa pagbuhi. Apan nagdumili siya basin mahulog siya. Nagpaabot sia sa kabuntagon. Sa dihang misidlak na ang adlaw iyang nakita nga mga usa ka dupa lang siya gikan sa yuta! Ang kalingkawasan dili makab-ot kun anaa ang kahadlok.

* * *

Diha sa kauban

Matag usa nato nangandoy baya gyud og kasegurohan. Gikan sa relasyon ngadto na tingali sa bisan unsang ekonomikanhon.

Mao tingali nga malisud alang nato ang kausaban. Dili pa lang dugay ang rabbit maoy nahimo nakong kalipay. Upat sila ka buok tanan nga akong kumpay kumpayan. Wala lang tuyoa nga nalibkas ko ang mga pulong sa panghimaraot sa dihang pagkasunod adlaw akong nasuta ang paborito nakong rabbit gikawat.

Mao nga tulo nalang ka buok ang akong rabbit. Lisud kaayo silang makaguba sa halwa nga ilang nahimutangan. Tingali dunay naibog  sa iyang kaambongan mao nga sa hawla siya gikawat sa mga kamot nga maigmat.

Ang bugtong seguro sa kalibutan nga dunay kausaban mao nga dili maayong mahilansang sa giisip natong bililhon kay pinaagi lamang niini kita nahimong binilanggo nga kita mismo ang naghimo.

Binilanggo kita sa gugma nga dili tinuod. Binilanggo kita sa kaibog nga makasunog. Mao nga kun moabot ang gitawag nilang kausaban malisud alang nato ang pagdawat niini. Ang tanan moabot, mopundo apan sa kadugayan molabay ra sa gihapon. Kini tungod kay ang matag usa kanato dunay atong kaugalingong panahon. Ang maong rabbit nga pinangga nako tingali panahon na niya aron kawaton sa mga tawong suheto kaayo ug nagpaniid sa nahimutangan niya.

Sakit man tuod palandongon apan didto na lang gyud tingali siya kutob.