Nganong nawili ni Albayalde
ARANGKADA - Leo Lastimosa (Banat) - October 15, 2019 - 12:00am

Wa makumbinser si Presidente Rodrigo Duterte sa niaging semana sa labing lig-ong mga testimoniya batok ni kanhi PNP Chief Oscar Albayalde:

Ang pag-angkon ni PDEA Director General Aaron Aquino nga gitawgan siyang Albayalde aron nga di ipatuman ang dismissal order batok sa 13 ka polis nga gipasanginlang ni-recycle sa 160 ka kilo nga shabu nga nasakmit sa operasyon sa Pampanga niadtong 2013; ug ang pasangil ni retiradong Heneral Rudy Lacadin nga nikumpisal si Albayalde nga gamay ray nadawat gikan sa transaksiyon.

Nganong kalit mang nausab ang hunahuna sa presidente karong semanaha?

* * *

Wa matarog ang pagsalig sa presidente ni Albayalde bisan human sa iyang pakigtagbo sa Manila Hotel sa duha ka labing isog nga namasangil ni Albayalde—silang Baguio City Mayor ug kanhi CIDG Chief Benjamin Magalong ug Aquino—nga ang nauwahi nitug-an nga giduphan ni Albayalde ang 13 ka gitumbok nga Ninja cops.

Sa sinugdanan niingon nga paabuton pa niya ang imbestigasyon sa Senado.

Dihang nakahipos ang mga senador og kasayuran nga nakapasamot og duot nilang Albayalde ug kaubanan, niingon na sab ang presidente nga magkinahanglan pa siya og dugang ebidensiya.

* * *

Pila ka adlaw human nangangkon si Albayalde nga gi-absuwelto na siya sa presidente ug nipadayag sa iyang determinasyon sa pagtiwas sa iyang termino hangtod sa iyang pagretiro karong Nobyembre 8, kalit lang nga nibalitok ang mga panghitabo:

• Nagtagbo niadtong weekend silang Albayalde ug DILG Secretary Eduardo Año nga ni-absuwelto na niyang daan pinaagi sa pag-ingon nga natagbaw sa iyang liderato sa PNP;

• Nisuwat si Albayalde ni Año nga motahan sa iyang liderato sa PNP sugod gahapon; ug

• Gi-aprobahan dayon sa presidente ang resignasyon ni Albayalde niadtong Domingo sa gabii.

* * *

Nakumbinsir na ba sa kataposan ang presidente sa pasidaan sa iyang kaugalingong mga alyado sa pag-ulbo pa lang sa kontrobersiya nga ang personal nga eskandalo ni Albayalde makaduhig sa tibuok PNP?

Nganong gisuwayan man niya og dupa si Albayalde? Naikog ba lang sa mga tigpanalipod ni Albayalde nga naglakip ni Senador Bato dela Rosa?

O nabalaka nga kon tangtangon si Albayalde makumbinser ang katawhan nga nagpabiling hawod ang ninja cops ug mapapas nang bisan unsang nahibilin nga kaligdong sa iyang kampanya batok sa ilegal nga drugas?

* * *

leolastimosa@gmail.com

ALBAYALDE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with