Alang sa kababayen-an
AMBOT LANG - Gerry Auxilio (Banat) - September 12, 2019 - 12:00am

Daghan nang balaud nga gipalabang aron panalipdan ang kababayen-an gikan sa pagpangabuso. Apan bisan pa man niini daghan gihapon ang giabuso nga kababayen-an.

Kining maong mga balaud ang gikonsiderar nga mga kalampusan sa gobyerno sa Pilipinas aron masulbad ug matubag ang pag-abuso sa kababayen-an: Akta Republika Numero 9262 nga mas nailhan sa pangalan nga Anti-Violence Against Women and Their Children Act of 2004.

Kining maong balaud gipirmahan gayod atol sa pagsaulog sa International Women’s Day niadtong Marso 8 tuig 2004. Ubos niining maong balaud silotan ang tanang matang sa pagpangabuso ug pagpanghasi sulod sa pamilya ug sa suod nga relasyon. Kining nahisgotang balaud nagmando usab sa pag-umol sa Inter-Agency Council on Violence Against Women and Their Children o (IACVAWC).    

Gawas sa Akta Republika Numero 9262 napalabang usab ang Akta Republika Numero 7877 o Anti-Sexual Harassment Act of 1995, Akta Republika Numero 8353 o Anti-Rape Law of 1997, Akta Republika Numero 8369 o The Family Courts Act of 1997, Akta Republika Numero 8505 o Rape Victim Assistance and Protection Act of 1998, Akta Republika Numero 9208 o The Anti-Trafficking in Persons Act of 2003, Akta Republika Numero 9710 nga mao ang Magna Carta of Women ug Akta Republika Numero 3815 nga mao ang the Revised Penal Code.

Ang mga lokal nga kagamhanan sa dakbayan ug lalawigan sa Sugbo mipakita usab sa ilang gahom sa pagsulbad sa suliran sa pangabuso sulod sa pamilya pinaagi sa ilang gipalabang nga mga ordinansa nga nanalipod ug nagsilot sa mga miabuso sa kababayen-an ug sa ilang mga anak.

Ubos sa lokal nga ordinansa ang mga barangay kapitan gihatagan og gahom sa pagpagawas og kamandoan sa pagpahawa sa balay niadtong mga abusado aron mapanalipdan ang mga giabuso.

Ang pangotana, nagmalampuson ba kining maong mga balaud sa pagpanalipod sa kababayen-an batok sa pagpangabuso?

KABABAYEN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with