Species in danger
TINGOG SA KATAWHAN - Atty. Jose Marie N. Poblete (Banat) - July 11, 2019 - 12:00am

Tulo ka mananagat ang arestado sa mga awtoridad kay nasakpan nga nanakop og pawikan didto sa kadagatan sa Barangay Caohagan, Lapu-Lapu City. Ang matang sa nadakpan nga pawikan mao kadto’ng gitawag nga “endangered green sea turtle”. Tungod sa gibuhat sa mga mananagat ngadto sa “ENDANGERED SPECIES” nga pawikan hinungdan sa ilang pagka-priso, sila’ng tulo matawag na usab nato nga “SPECIES IN DANGER”.

Parehas ra gihapon

Naglaraw ang gobernador sa Sugbo nga modangop sa pamaagi nga “outsourcing” sa pagkuha og mga empleyado sa Cebu provincial government labi na sa mga hospital sa distrito sa tuyo nga mamenosan ang galastohan ug nga mawala ang padrino or backer system sa pagkuha og empleyado. Wala hinoon matataw kon dili ba makaendorso ang mga politiko sa ilang mga tawo ngadto sa mahimong modaog nga bidder kon isubasta na unya ang pag-outsource sa mga empleyado. Dili ba kaha unya mahitabo nga “the difference is the same.”

Dili mahadlok mamatay

Si Senador Franklin Drilon misaad nga batukan gayod sa minoriya ang pagpasar sa balaodnon nga magpahamtang na sa silot nga kamatayon, bisan pa man nga daw tungason ang ilang kawsa sa pagsupak.  Gilantaw sa uban ang kamatayon mao gayod ang tukma’ng silot sa kriminal nga nakahimo sa makalilisang nga krimen apan dili kini angayan kahadlokan sa uban kon matarong ang ilang pagkinabuhi.  Ang ako hinoon nga higala midason nga dili siya mahadlok sa kamatayon kay matud pa niya: “NGANO MAHADLOK MAN KO MAMATAY, MA’YG GWAPO KO!!! 

Gub-on aron ayohon

Ang Metropolitan Manila Development Authority (MMDA) nagpahigayon sa pagpamalit og bag-ong mga kasangkapan ug ubang kagamitan alang sa pagpa-anindot sa buhatan sa chairman niini tungod kay daghan na kini og kadaot sa pagpanglabay sa panahon.  Samtang sa Cebu City, adunay gipasakaan ug kaso sa Ombudsman tungod kay giguba niya ang buhatan sa mayor sa dayon niyang biya. Sama sa buhatan sa MMDA Chairman nga gubaon ug dunot na maong ayohon, ang buhatan sa mayor kinahanglan gub-on usab aron adunay ayohon.  Aw, mao ba diay kini?

Way lain hinungdan, basura

Segun sa balita, giangkon sa Department of Public Services (DPS) sa Cebu City nga ang Transfer Station, og dili ang Landfill, maoy tinubdan sa kabaho sa lugar dapit sa Inayawan. Tuyo sa hepe sa DPS nga awhagon ang kontraktor nga pabutangan og pahumot kon deodorizer ang lugar aron mamenosan ang kabaho. 

Dili lang pud nato literalon pagsabot nga ang Transfer Station gayod ang nanimaho kay sa tinuod, ang BASURA man nga gidala didto mao gayod ang hinungdan sa baho.

DANGER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with