Do the things you love

Mao ni ang tambag sa kadagkuan sa mga senior citizen sa America ngadto sa mga sakop sa ilang pundok. Kay matud pa, pag-retire sa usa ka tawo, anaa na kaniya ang tanang higayon ug panahon sa bisan unsa nga buot niyang buhaton, diin siya na ang magbuot sa oras kay sa ang oras maoy magbuot kaniya.

Giingon dinhi, nga samtang panahon nga mag-relax na lang, mag-akin-akin sa rocking chair, apan sa daghan pa natong mahimo, sama sa pagsalmot sa kalihokan sa mga senior citizen, ‘there’s no need to sit for long. It’s important to continue socializing and engaging with others as you age.”

Tinuod, kay kun magpunay lang kita’g pungko ug tutok sa kisame sa atong balay, mosamot kita’g katiguwang. Mosamot ka-boring ang atong kinabuhi.

Matud pa: “The fact is that some seniors never retire (usa ba ikaw niini?), they just change careers. “  Daghan pa kita’g mahimo to keep us alive with much life, paglingaw sa atong kaugalingon.

Bisa’g unsa kunoy atong buhaton after retirement, “take advantage of the fact that you don’t have too many responsibilities (bitaw!), and allow yourself to pick up a new hobby, venture out into the community or even travel anywhere you want to go with renewed vigor.

Bitaw, unsa pa may atong mga responsibilidad, sama sa mga politiko nga kinahanglan ilang tumanon ang tanang nilang gisaad panahon sa kampanya. Ila kining mga responsibilidad, isip mga suluguon o binatunan o kasambahay sa lungsod.

Kun unsa man ang imong mga hobby, o unsa ang imong mga lingaw karon, dungagi na, o venture into new ones. Makalingaw ug makapaabtik kini sa imong utok ug sa imong lawas. Ug get involved in community activities.

Sa America daghan usab kaayong organisasyon ang mga senior citizens didto nga ang katuyoan:“to make the lives of senior citizens better and more fulfilled.”

Usa sa labing daku pundokon, ang kanunay natong gi-feature dinhi mao ang AARP kon American Association of Retired Persons.  Natukod kini niadtong 1958.

Matud pa: “Currently there are over 40 members in all 50 states as well as in District of Columbia, Puerto Rico and the U.S. Virgin Islands. Their goal is to improve the quality of life for thse ages 50 and above.”

So, ang ilang nga sakop, dili sama sa ato dinhi, nag-edad pa’g 50 pataas. Sa ato pa, lagmit ang ilang retirement age didto 50 pa. Dili pa kini senior citizen dinhi sa ato.

Imagine aduna silay $16 nga membership fee sa mga residents sa America. I-multiply kini’g 40 million members .... kadaghang kwarta ini. Maoy hinungdan nga daghan usab sila’g mga benepisyo didto.

Sa sunod natong mga lindog, atong hisgutan dinhi ang ubang mga senior citizen organizations sa America, nga exclusively  gilangkoban sa private sector, nga mahimo nga atong sundon dinhi sa atong dakbayan ug lalawigan.

Pananglitan aduna silay gitawag nga SCORE kon Service Corp of Retired Executives.  A non-profit organization that focuses on entrepreneur education and assisting small business in formation, growth, and ultimately success.  Nindot no?  Mohimo kaha ang atong mga retired executives dinhi?