Sa tanto nimong hago
MGA LAMAS SA KINABUHI - Fr. Rey Cui (Banat) - July 4, 2019 - 12:00am

Kaniadto grabe gyud kong motrabaho. Daw wala koy pahuway. Gani nahimong daw doble kayod ang tanan.

Apan sa laing bahin sa tanto nakong pamalandong nakita ko ang kahulogan sa tanang paningkamot.

Ang tanan pinasikad sa gugma. Bisan pa man kun tuod dili na nimo obligasyon kining mga butanga apan tungod sa gugma sa arte mao nga nangahas ko pagtagik og mga drama. 

Tungod sa gugma sa pagtulon-an ug pagsangyaw nangahas ko kaniadto nga motudlo sa tinamod nga University of San Carlos.

Tungod sa gugma sa trabaho mao nga naningkamot nga dunay mahimo alang sa kaayohan sa uban.

Apan tawo lamang kita ug busa nagkinahanglan og pahuway.

Sa tanto nakong hilom nakita ko nga diha diay sa kinabuhi dili nimo mahimong kuhaon ang tanan o mabuhat ang tanan.

Sama gud na sa panaw padung sa nagkalain laing dapit. Kasagaran nato mohimo gyud dayon kita og pagpahulagway dayon atong i-post sa FB.

Lipay kaayo ta kay daghan ang atong likers apan ang pangutana mao: Ato bang natagamtam ang maong higayon?

O basin baya og nahimong kabahin na lang sila sa atong handumanan?

Sa maong kasinatian nakahukom ko nga mohinay sa akong mga lakang dili tungod kay wala na ang gana ug kaikag nga maningkamot kondili gikinahanglan ko ang pahuway ingon man pamalandong aron makita ko ang laing sukaranan sa inspirasyon.

Kay kun ang tawo nga puno sa inspirasyon mas daghan man og mahimo ug sa matag himo niya niini anaa ang kalipay nga mokuyog sa maong paningkamot.

Kay mag-unsa man tuod ang daghang nakab-ot ug paghupot og daghang pasidungog kun ikaw mismo ang wala malipay sa imong gihimo?

Diha sa pagkamamugnaon usahay imong malibkas ang mga pinulogan nga lisud dawaton sa kadaghanan. Apan kanunay kang magsalig sa ilang komplemento mag-unsa man ang imong kaugalingong panlantaw?

Ang HAGO alang kanako nagkahulogan og:

-  HAPPINESS diha sa tanan nimong paningkamot ug kun ugaling makab-ot mo ang kalampusan angayan kang magpabiling HUMBLE kun mapaubsanon

- AVAILABILITY ngadto sa uban bisan pa man kun ugaling bation m o ang tumanang kakapoy ug kawalay gana basin na lamang ang imong pagsanong maghatag pud sa uban og rason nganong sila angayang magpakabuhi

- GODLINESS ang Dios maoy tinubdan sa tanang buhat nga maayo ug natural lamang nga siya ang motapus niini.

Mga piniyalan lamang kita busa wala kitay angay nga ikapanghambog ingon nga atong nahuman o mga butang nga angayan natong pamatud-an.

Dunay mga buhat nga angayang tapuson o dili padayonon apan ang bisan unsa nga makaayo sa kadaghanan ang angayan gyud nga padayonon alang sa Kahimayaang Diosnon.

NIMONG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with