Sayup nga pangan sa marriage certificate dili nakaapekto sa validity sa kaminyuon

Dear Atty. Divine,

Duna koy pangutana labot sa validity sa akong marriage. Kay pagpakasal man gud nako ang akong naandan nga pangan og apelyido ang akong gidala. Karong bag-o nagkuha ko og Birth Certificate ug akong nahibaw-an nga lahi ang akong pangan  nga  gigamit lahi sa pangan nga nabutang sa akong birth certificate. Ang akong pangutana kun valid ba ang akong marriage considering nga managlahi ang akong pangan sa marriage certificate ug sa akong birth certificate? Daghang salamat.

George

* * *

Dear George,

Ang managlahi nimong first name sa marriage certificate ug sa imong birth certificate dili makaapekto sa validity sa imong kasal. Busa nagpabiling valid ang imong marriage. Basi sa atong Family Code ang validity sa kaminyuon maapektuhan lang kun di ma comply ang mga requisites niini sama sa pagkuha og marriage license,  pagpahigayon og marriage ceremony, ug uban pang rekisitos.

Busa sa imo nga kaso ang depekto sa imong pangan  dili kini makapaway bili sa imong kaminyuon. Ang imong buhaton karon mao ang pagkakorihir sa imong first name aron magtakdo ang imong nga civil documents ug aron dili ka magkaproblema unya kun ikaw mo retire o mo claim og benefits. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column mayag Miyerkules, Sabado ug Domingo.