Kinahanglang way masakripisyo
AMBOT LANG - Gerry Auxilio (Banat) - May 21, 2019 - 12:00am

Nindot kun adunay landfill nga duol ra sa siyudad sa Sugbo nga adto makalabay og mga basura ang atong mga garbage trucks.

Momenos na unya ang gasto sa siyudad sa paghipos sa atong mga basura kay duol na man lang ang labayanan sa mga sagbot, ug dili na kinahanglan nga mo-hire pa ang dakbayan og private service provider.

Ang ARN Builders nga maoy tag-iya sa private landfill sa Barangay Binaliw, Dakbayan sa Sugbo, maoy gikontrata sa City Hall Bids and Awards Committee (BAC) aron adto ang siyudad molabay og basura.

Nindot baya nga ang siyudad sa Sugbo direkta na nga molabay’g basura sa usa ka landfill, ilabi na og duol ra, kay makadaginot man og kuwarta ang dakbayan.

Dako kaayo og gasto ang dakbayan sa pagsuhol og mohakot sa atong basura gikan sa lainlaing dapit sa siyudad unya dad-on kini sa transfer station sa Barangay Inayawan.

Unya, laing service provider  na usab ang ikontrata sa dakbayan aron mohakot sa mga basura gikan sa transfer station paingon sa landfill.

Nindot kaayo nga adunay landfill sa Binaliw, apan kinahanglang tumanon sa tagdumala niini ang mga lagda nga gilatid sa balaod.

Kinahanglang dili nila sakripisyuhon ang katawhan nga mga lumolupyo sa Binaliw ug silingan nga  barangay nga nagsugod na intawon paghanggap og daw makamatay’ng baho gikan sa mga nadugta nga basura.

Pastilan, kabag-o pa sa maong landfill sa Binaliw nga nakasugat dayon og mga pagsaway. Unsaon nga wala man nila tumana ang tanang requirements sa dili pa sila mosugod pag-operate.

Makasabot ko sa sentimento sa mga nangreklamo kay dili komedya nga magkaon ka ug kalit lang mohasmag ang grabeng baho gikan sa landfill.

Husto ang plano ni Incoming Mayor Edgardo Labella nga kon ang landfill sa Binaliw nakahatag man og sakripisyo sa daghang lumolupyo, mas maayo pa nga kini pasirad-an.

Busa mentras karon pa lang daan, kinahanglang tagdon dayon sa ARN Builders ang kabaho sa ilang landfill aron nga dili kini pasirad-an ni Labella.

* * *

Karong Huwebes, hisgotan nato ang nindot kaayong proyekto nga mao ang pagmugna og skyways, karsada nga anha magsubay sa ibabaw, isip paagi pagsulbad sa grabeng problema sa trapiko dinhi sa dakbayan sa Sugbo ug ubang bahin sa Metro Cebu.

Usa ka malambuon kaayong nasud dinhi sa Southeast Asia akong gibisitaan kaniadtong Sabado hangtud sa miaging Lunes.

Nakita nako nga epektibo kaayo ang mga skyways ug ang mga lapad kaayong karsada aron walay traffic problem sa ilang lugar.

Sige, atangi karong Huwebes ha? Hisgotan nato kon unsaon nga ang problema sa trapiko dinhi sa siyudad sa Sugbo kahatagan og sulbad.

GARBAGE TRUCKS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with