Kon tawo kuhaon na
JAV, BANATI! - Javier Y. Tapulado (Banat) - April 28, 2019 - 12:00am

Sa akong trabaho nga exposed pirme sa pagpakig-atubang og mga adunahang personalidad, o  negosyante, nasinati nako ang nagkadaiyang taras sa tawo: may liyon, tigre, peacock, dolphin ug salampati. Kun may serpente’g kinaiya, aduna puy sobra ka mahigalaon.

Hinuon, maihap ra sa tudlo ang mga hoodlum og kinaiya. Sagad sa mga milyonariyong kustomer nga akong naabi-abi, mga buotan. Sama niadtong usa ka higanteng magpapatigayon sa mga lumber ug logging, wala gyud mi problema adtong tawhana. Ang pagkahingamigo lang gyud. Busa, taas kaayo mi’g respeto niya.

Mahadlok mosakay’g eroplano ang maong dato. By land and sea transportation ra gyuy iyang gusto. Sa miaging 3 ka semana, sa pagsulat niini, miadto’g Davao City ang nahisgotang magpapatigayon. Lawom nang gabii dihang nahuman ang iyang transaksiyon didto. Ug kay ‘time is gold’ man para niya ang negosyo, gusto siyang makauli sa Butuan.

Iyang gimandaran ang sinaligan niyang drayber nga papilion lang asa sa mga luhong sakyanan ang ilang gamiton? Apan mireklamo kay dili kuno makaklaro sa dalan kay heavily tinted ang windshield. Dinhi, usa niya ka batabata ang miboluntariyo sa pagdrayb, diin ang gipiling sakyan mao ang kinabag-ohang 2019 Land Cruiser model.

Tul-id ug sementado ang dalan sa Mindanao. Tulin kaayong nakapadagan ang drayber sa gikusgon nga 240 kilometers per hour. Usahay, moabot pa kunog 300 kapin. 

Ang nakabati lang, kay wala masuhito ang drayber sa maong dalan. Hinungdan, nga pag-abot nila sa dapit nga may gilawmong usa ka tiil ang kinawot sa yuta nga wala pa diay masemento, morag tiyubibo ang Land Cruiser nga mituyok og kadaghan una pa nakahunong.

Ang drayber nasalbar tungod sa airbag. Pero ang higanteng magpapatigayon nagupok ang gusok ug daling gidala sa kinaduolang  ospital. Dako pang buhi ang negosyante pag-abot sa ospital. Apan puwerteng sukoa nga nagsige pangita sa iyang drayber. Gipakalma siya sa mga doktor nga mitabang kaniya. Pero, mipasulabi gyud iyang kalagot. Resulta, na-cardiac arrest siya ug namatay.

Igsuon sa namatay ang akong gikahinabi, kinsa miingon: “Dili gyud nato kapugngan, Boss, ang Ginoo, oras nga kuhaon na Niya ang kinabuhi sa tawo Ang pait, kay wala ta mahibalo kanus-a?”

“Maong importante gyud, nga andam ta pirme, Bay.” Giingnan ko siya

KUHAON NA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with