Sa kamot sa mga dautan
LABTIK - Alan Domingo (Banat) - April 24, 2019 - 12:00am

Dunay 300 na ka kinabuhi ang nakalas sa nahitabong pagpangatake didto sa Colombo Sri Lanka atol sa pagsaulog sa Pasko sa Pagkabanhaw.

Mga suicide bombers ang gituohang mipaulbo sa ilang kaugalingon sa mga simbahan ug mga hotels sa naasoyng nasod.

Sagad sa mga namatay taga Sri Lanka apan adunay 30 usab ka mga langyaw, wala hinooy naapil nga Pinoy.

Bisan og wala pay niangkon nga responsable sa naasoy’ng pagpangatake apan tataw kaayo nga binuhatan kini sa mga terorista.

Ang nahitabo didto sa Sri Lanka posibleng mahitabo usab sa bisan asang dapita sa kalibutan basta maka-penetrate na kining mga dautan.

Dinhi sa atong nasod naa nay mga ingon niining grupoha ilabi na didto sa Mindanao nga adunay mga gaway sa bisan asang dapita sa nasod.

Busa dili gyud angayan nga mokompiyansa tungod kay wala kita masayod nga ang tawo nga anaa sa atong palibot gisudlan na ba diay sa panuway nga mohatod kanato sa kaalautan.

Ang Sugbo gipaubos sa red alert sugod kagahapong adlawa nunot usab sa kalihokan sa National Youth Day nga gisalmotan sa 12,000 ka kabataan gikan sa nagkadaiyang dapit sa nasod.

Wala hinoon kunoy nadawat nga intelligence report ang kapolisan kalabot sa posibleng hulga sa maong kalihokan.

Apan hugot kaayo ang seguridad nga gipatuman sa kapolisan aron maseguro nga luwas ang tanan nga nagtambong karon sa National Youth Day.

Gipadayag ni Cebu Archbishop Jose Palma nga ang kahadlok mugna sa binuhatan sa mga dautan dili makaparalisar sa kainit sa mga batan-on nga niapil karon sa mahinungdanon nga panagtigom.

Awhag lang sa simbahan ug sa mga otoridad sa tanan nga magmabinantayon ug labaw sa tanan mag- ampo alang sa luwas ug malampuson nga National Youth Day.

Ang atong kaluwasan wala lang magdepende sa kamot sa mga otoridad kondili nato mismo pinaagi sa pagpakabana sa atong katilingban.

Labaw sa tanan mahimo natong panalipdan ang atong kaugalingon gikan sa kamot sa mga terorista kun kita alerto sa kanunay.

Makig-alayon dayon sa mga otoridad kon unsa man ang mamatikdan sa atong palibot aron mapakgang ang bisan unsa nilang plano pagmugna ug kadaut sa katawhan.

COLOMBO SRI LANKA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with