Pebrero 17, 2019: Ikaunom nga Domingo sulod sa tuig
MGA PAGBASA: Jer. 17;5-8/Sal. 1/1 Cor. 15;12,16-20/Lk. 6;17;20-26
Ang kinabuhi dili gyud hingpit ug kabahin niini ang pag-antos diha sa kakabos materyal man o espirituhanon. Apan lisud kaayo sabton kun nganong ang Ginoo nihatag man og pagdayeg sa kakabos ug kalisud.
Gani, iya pang gipanghimaraut ang mga dato sa kasamtangan kay moabot ra ang panahon sa ilang pag-antos. Lisud ang simple nga pagkinabuhi tungod kay daghan nato ang mangita og kadato sa mga butang materyal. Apan diha sa atong pagdawat sa atong kakabus ang Dios mamahimong makasulod sa atong kinabuhi.
Kay kun ang Dios anaa lang kanato nan, dili malisud ang pagtan-aw sa kinabuhi ingon nga bahandi bisan pa man kun wala nato mahupti ang tanan.