Mibalik ang katahom sa Manila Bay

Tuig 1998 nadestino ko sa Grand Boulevard Sofitel Hotel, Roxas Boulevard, Manila, diin sa atbang, mao na ang Manila Bay.

Usahay, inig off nako, modalikyat ko’g labang aron motan-aw sa beautiful Manila Bay sunset nga niadtong Grade 6 pa ko, (1969), pirmeng ipakita sa among maestro sa Social Studies ang larawan niini nga gisulod sa dakong frame.

Apan nabawo ko. Kay wala na didto sa kasadpan kadtong kaanyag sa Manila Bay sunset nga pirmeng ipanghambog sa among maestro.

Usab, wala nay manag-uyab ang manglingkod sa seawall aron pagsaksi sa maong makaibog nga talan-awon.

Unsaon, didto sa kinaubsang bahin sa seawall, nanglutaw ang nagkadaiyang matang sa basura, diin ini’g huros sa hangin, masingo ang kabaho sa mga biyang hugaw sa tawo ug mananap.

Sa laktod, daw gihimo na lang landfill sa mga sagbot ang maong dapit nga kanhi giisip paraiso sa mga maghigugmaay labi na sa Valentine’s Day.

Naabot sa Malakanyang ang kalang-og sa maong baho. Busa, gimandoan ni Tatay Digong si Departmnet Secretary of Environment and Natural Resources Roy Agullana Cimatu nga pasugdan dayon ang pagpalimpiyo sa Manila Bay.

Sama kakusog sa kilat, ang PNP, DENR, MMDA, DILG ug uban pang ahensiya sa gobiyerno nagtinabangay paghimo niini nga hagbay rang giamong-amongan sa mga abusadong negosyante, matuman.

Unang adlaw pa lang sa pagpanglimpiyo, may 5,000 ka mga volunteers na ang misalmot. Ug sama sa nagkamuritsing nga diyosa, human digoa ug lugdi sa tanang buling ang Manila Bay, inanay milutaw ang orihinal nga katahom niini, diin wala kapugngi ang pagdagsang sa daghang pamilya, kinsa daw nagpiyesta nga nagpiknik ug nangaligo sa tin-aw nang tubig sa dagat.

Samtang nagtan-aw ko sa Youtube, Cinemotion, wala ko kapugngi ang pagpangambak sa akong mga luha samtang nagbasa sa mga comments sa nitizens. Niay usa nga makatandog:

 “Si Pres. Duterte lang ang unang pangulo na nagpalinis sa Manila Bay. Siya lang talaga ang may political will. Hindi siya nagpapakitang tao sa iba. Totoo siya sa mata ng lahat.”

Yes, you are right, Pare! The change that he promised is already here.

 Thank you, Tatay Digong!