Employer wa motuman sa minimum nga sweldo ug way benepisyo
Dear Atty. Divine,
Nagtrabaho ko sa usa ka kompaniya for 9 years. Below minimum akong sweldo ug wa pa gyud koy SSS, Philhealth and Pagibig. Ako na gihangyo akong employer nga hatagan ko sa maong mga benepisyo apan magsige lang og saad.
Di sad siya maayo og treatment namong mga empleyado. Plano unta nako nga mo-resign nalang.
Ang akong pangutana kun makadawat ba ko sa akong separation pay kun mo-resign ko sa trabaho? Daghang salamat.
Leo
* * *
Dear Leo,
Basi sa balaod, dili obligado ang employer nga mohatag og separation pay sa empleyado nga moboluntaryo sa pag-resign gawas lang kun nahimo na kining practice sa company nga mohatag og pabawon.
Kun ang imong employer dili mohatag og saktong benepisyo wa say igong rason nga magpabilin ka niini ug mas maayo nga mangita nalang ka og laing katrabahuan.
Mamahimo sab ikaw nga mopasaka og reklamo sa DOLE batok sa imong employer tungod sa wa pagtuman niini sa minimum wage law ug sa pagdumili paghatag sa mga benepisyo bisan kun kini mandatory.
Ayaw kahadlok sa pagreklamo kay imo kanang katungod.
Ang DOLE mao na unyay mopatawag sa imong employer aron iyang i-settle ang imong reklamo. Thanks and God bless.
Atty. Divine
* * *
Alang sa inyong pangutana, ipadala lang sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest