Pit Senyor!

Pagpamalandong matag Domingo

 

Enero 20, 2019: Pangilin sa Balaang Bata

MGA PAGBASA:   Is. 9;1-6/Sal. 98Ef. 1;3-15/Lk. 2;41-52Kini ang sangpit sa matag usa kanato samtang gihugpaan sa kadaghanan ang atong dakbayan alang sa Sinulog Grand Parade. Daghan ang malipay ug daghan ang buot motambong sa dakong kasaulogan. Kaming naa sa probinsiya ang buot makontento na lang sa among naandang kasaulogan diha sa mahilumong pag-ampo ug pag-sinulog kuyog sa among mga kaubanan.  Samtang gisaulog nato kining maong pangilin angay natong hinumdoman nga ang Batang Hesus wala magpabilin diha sa pagkabata. Nidako siya aron ang yanong mensahe sa pagpaubos ang mahatagan og mas hamtong nga pagsabot diha sa tagsa-tagsa ka mga kasingkasing ug hunahuna. Ang kongkretong pag-atiman sa mga bata mas makiangayon pa kay sa naghinobrang gasto sa komersiyalismo ning atong panahon. Nag-sinulog ka kang Santo Niño, unya gipakaon mo ba sa husto ang imong mga anak?

Show comments