Dear Atty. Divine,
Duna koy pangutana may labot sa na-inherit nga property namo gikan sa among ginikanan. Upat mi ka anak og ang among ginikanan adunay house and lot sa among probinsya.
Gusto unta namo nga i-transfer ang pangan niini kay titulado man ang maong property.
Ang usa sa among igsuon mi-suggest nga i-transfer nalang daw namo ang property sa name sa among kamaguwangan pero magpirmahanay mi og kasabutan nga kaming upat ang co-owner sa property.
Ang akong pangutana kun mas bintaha ba kun ibalhin namo sa usa lang ka pangan ang titulo sa maong yuta? Daghang salamat.
Jennyrica
* * *
Dear Jennyrica,
Basi sa atong balaod, kun dunay kabilin nga property ang mga ginikanan, ang mga anak maoy maka-inherit niini in equal share.
Buot ipasabot nga sa house and lot nga gibilin sa inyong parents kamong upat maka-inherit niini. Kun magkasabot mo nga inyong ibalhin ang name sa property sa usa ka pangan lang, mamahimo man apan dunay posibilidad nga mo-create kini og problema later on kay kun siya ray nakapangan sa title, buot ipasabot nga siya ray tag-iya niini, so mamahimo niyang ibaligya ang property nga way pagtugot ninyo, gawas pa kun pananglit dunay mahitabo sa inyong igsuon nga nakapangan sa title so mamahimong i-inherit sa iyang asawa ug mga anak ang property ug modangop na sab unya kamo sa korte aron sa pagbawi niini.
So, mas maayo nga inyo na lang gyud kining ipangan sa tanang heirs aron way bisan usa nga makabuot niini. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.